- Ишленмеген джаш – джюгенсиз ат, ишленмеген къыз – тузсуз хант.
- Хар ишни да аллы къыйынды.
- Джиби бир къат джетмей эди да, эки къат тарта эди.
- Ауузу аманнга «иги», деме.
- Адамгъа аман кюн соруб келмейди.
- Къатын байлыкъны сюер, эр саулукъну сюер.
- Билим насыб берир, билим джолну керир.
- Ариу сёз – къылычдан джити.
- Айтханы чапыракъдан ётмеген.
- Душманны тышы – акъ, ичи – къара.
- Сютден ауузу кюйген, суугъа юфгюре эди.
- Ишге юренсин къоллары, халкъ бла болсун джоллары.
- Тик ёргени, тик энгишгеси да болады.
- Ётген ёмюр – акъгъан суу.
- Бал – татлы, балдан да бала – татлы.
- Джаным-тиним – окъуу, билим.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Алма терегинден кери кетмез.
- Биреуге кёлтюрген таягъынг, кесинги башынга урур.
- Дууулдаса – бал чибин, къонса – къара чибин.
- Эки ойлашыб, бир сёлешген.
- Мен да «сен», дейме, сен да «кесим», дейсе.
- Оюмсуз атлагъан, аджалсыз ёлюр.
- Ашыкъгъанны этеги бутуна чырмалыр.
- Къыз тиширыу кеси юйюнде да къонакъды.
- Атынг аманнга чыкъгъандан эсе, джанынг тамагъынгдан чыкъсын.
- Ана – юйню кюн джарыгъы.
- Тиширыусуз юй – отсуз от джагъа.
- Бети къызарыучу адамны, джюреги харам болмаз.
- Тюзлюк тас болмайды.
- Таугъа чыгъаллыкъ эсенг, тюзде къалма.
- Алтыда кюлмеген, алтмышда кюлмез.
- Айыбны суу бла джууалмазса.
- Биреуге аманлыкъ этиб, кесинге игилик табмазса.
- Эм ашхы къайын ана мамукъ бла башынгы тешер.
- Таукелге нюр джауар.
- Джюрек кёзден алгъа кёрюр.
- Миллетни бойну – базыкъ, аны бла кюрешген – джазыкъ.
- Экеу тутушса, биреу джыгъылыр.
- Мадар болса, къадар болур.
- Юйюнг бла джау болгъандан эсе, элинг бла джау бол.
- Телиге от эт десенг, юйюнге от салыр.
- Къоркъакъны кёзю экили кёрюр.
- Кеси юйюмде мен да ханма.
- Билимсиз иш бармаз.
- Чомартны къолу берекет.
- Къайгъыны сюйген, къайгъы табар.
- Джырчы джырчыгъа – къарнаш.
- Ауузу бла къуш тута айланады.
- Терслик кетер, тюзлюк джетер.
Профиль
|
speedsurfru
 Эльбрусоид
Баллов: 0
Регистрация: 26.06.2016
Последний визит: 26.06.2016 22:25:43
|
|
||||||
|
|
|
||||||