- Чакъырылмагъан джерге барма, чакъырылгъан джерден къалма.
- Тамбла алтындан бюгюн багъыр ашхы.
- Ариу сёз джыланны орнундан чыгъарыр.
- Биреу ашаб къутулур, биреу джалаб тутулур.
- Алма терегинден кери кетмез.
- Таугъа чыгъаллыкъ эсенг, тюзде къалма.
- Зарда марда джокъ.
- Байдан умут эте, джарлыдан ёгюз багъасы къорады.
- Джахил болса анасы, не билликди баласы?
- Оюмсуз атлагъан, аджалсыз ёлюр.
- Къуру гыбыт бек дыгъырдар.
- Джыланны къуйругъундан басарынг келсе, аны башы болгъанын унутма.
- Кёбню кёрген – кёб билир.
- Билмезни кёзю кёрмез, этмезни къулагъы эшитмез.
- Аман адам этегингден тутса, кес да къач.
- Тынгылагъан тынгы бузар.
- Къарт болгъан джерде, берекет болур, сабий болгъан джерде, оюн болур.
- Айранын берсенг, челегин да къызгъанма.
- Эр абынмай, эл танымаз.
- Адебсиз адам – джюгенсиз ат.
- Босагъагъа джууукъ орун болса, ашыгъыб тёрге озма.
- Кийимни бичсенг, кенг бич, тар этген къыйын тюлдю.
- Онгсузну – джакъла, тенгликни – сакъла.
- Юре билмеген ит, къонакъ келтирир.
- Хатерли къул болур.
- Джеринден айырылгъан – джети джылар, джуртундан айырылгъан – ёлгюнчю джылар.
- Чакъырылгъанны аты, чакъырылмагъанны багъасы болур.
- Юйюнгден чыкъдынг – кюнюнгден чыкъдынг.
- Этни бети бла шорпасы.
- Биреуню къыйынлыгъы бла кесинге джол ишлеме.
- Ишни ахырын ойламай, аллын башлама.
- Гитче джилтин уллу элни джандырыр.
- Ашха уста, юйюнде болсун
- Адам къаллай бир ишленмесе, аллай бир кесин уллу кёреди.
- Юреннген ауруу къалмаз.
- Джаным-тиним – окъуу, билим.
- Тамырсыз терекге таянма – джыгъылырса.
- Джашны джигитлиги сорулур, къызны джигерлиги сорулур.
- Ёпкелегенни ашы татлы болады.
- Суу да къайтады чыкъгъан джерине.
- Эл тойса, тоймагъан, эл къойса, къоймагъан.
- Иги бла джюрюсенг, джетерсе муратынга, аман бла джюрюсенг, къалырса уятха.
- Суу ичген шауданынга тюкюрме.
- Эли джокъну – кёлю джокъ.
- Чабар ат – джетген къыз.
- Ишленмеклик адамлыкъды.
- Кийим тукъум сордурур.
- Уллу къашыкъ эрин джыртар.
- Акъыл сабырлыкъ берир.
- Тилчиден кери бол.
Профиль
|
|
|||