- Адамны джюреги нени кёрюрге сюйсе, кёзю да аны кёрюрге ёч болады.
- Къан бла кирген, джан бла чыгъар.
- Джетген къыз джерли эшекни танымаз.
- Эшекге миннген – биринчи айыб, андан джыгъылгъан – экинчи айыб.
- Тёзген – тёш ашар!
- Тил – миллетни джаны.
- Акъыллы – эл иеси, тели – эл баласы.
- Мухардан ач ычхынмаз.
- Къызбайны юйюне дери сюрсенг, батыр болур.
- Телиге акъыл салгъандан эсе, ёлгеннге джан салырса.
- Чыбыкълыкъда бюгюлмеген, къазыкълыкъда бюгюлмей эди.
- Кеси юйюмде мен да ханма.
- Къар – келтирди, суу – элтди.
- Мураты болгъанны джюрек тебюую башхады.
- Ауругъаннга – кийик саулукъ, джетген къызгъа – чилле джаулукъ.
- Арбаз сайлама да, хоншу сайла.
- Ачлыкъда тары гырджын халыуадан татлы.
- Акъыллы башны – тили къысха.
- Дуния мал дунияда къалады.
- Ашхы адам – халкъ байлыгъы, ашхы джер – джашау байлыгъы.
- Алгъанда – джууукъ, бергенде – джау.
- Ата Джуртча джер болмаз, туугъан элча эл болмаз.
- Бастасын ашагъан, хантусун да ичер.
- Ач къалгъандан, кеч къалгъан къолай.
- Асхат ашлыкъ сата, юйдегиси ачдан къата.
- Мадар болса, къадар болур.
- Кюл тюбюндеги от кёрюнмейди.
- Ёмюрлюк шохлукъну джел элтмез.
- Ариу сёз аурууунгу алыр.
- Рысхы джалгъанды: келген да этер, кетген да этер.
- Аджаллыгъа окъсуз шкок атылыр.
- Ойнай билмеген, уруб къачар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ата Джуртуму башы болмасам да, босагъасында ташы болайым.
- Суу кетер, таш къалыр.
- Юйюнгден чыкъдынг – кюнюнгден чыкъдынг.
- Айтылгъан буйрукъ, сёгюлмез
- Азыкълы ат арымаз, къатыны аман джарымаз.
- Билгенни къолу къарны джандырыр.
- Эринчекни эр алмаз, эр алса да, кёл салмаз, кёл салса да, кёб бармаз!
- Онгсузну – джакъла, тенгликни – сакъла.
- Ишин билген, аны сыйын чыгъарады.
- Билим – акъылны чырагъы.
- Келгинчи, къонакъ уялыр, келгенден сора, къонакъбай уялыр.
- Чомарт джарлы болмаз.
- Уллу суу бла уллу ауруудан башынгы сакъла.
- Ауурну тюбю бла, дженгилни башы бла джюрюген.
- Арпа, будай – ащды, алтын, кюмюш а – ташды.
- Сескекли кесин билдирир.
- Джангыз торгъай джырламаз.
Профиль
|
|
|||