- Бек анасы джыламаз.
- Акъдан къара болмаз.
- Оюмсуз атлагъан, аджалсыз ёлюр.
- Келлик заман – къартлыкъ келтирир, кетген заман – джашлыкъ ёлтюрюр.
- Къошда джокъгъа – юлюш джокъ.
- Эр абынмай, эл танымаз.
- Къая джолда джортма, ачыкъ сёзден къоркъма.
- Джолунга кёре – джюрюшюнг, джагъанга кёре – юлюшюнг.
- Къонакъ аз олтурур, кёб сынар.
- Эл бла кёргенинг эрелей.
- Байлыкъ тауусулур, билим тауусулмаз.
- Ауузу бла къуш тута айланады.
- Акъыллы башны – тили къысха.
- Ата – баланы уясы.
- Кийимни бир кюнню аясанг, минг кюннге джарар.
- Башсыз урчукъ тюзюне айланмаз.
- Аджашханны ызындагъы кёреди, джангылгъанны джанындагъы биледи.
- Ауурну тюбю бла, дженгилни башы бла джюрюген.
- Чабакъ башындан чирийди.
- Келгинчи, къонакъ уялыр, келгенден сора, къонакъбай уялыр.
- Намыс болмагъан джерде, насыб болмаз.
- Уясында не кёрсе, учханында аны этер.
- Джогъун бар этген, барын бал этген.
- Джети тилни билген джети кишиди.
- Атынг аманнга чыкъгъандан эсе, джанынг тамагъынгдан чыкъсын.
- Тёрдеги кюлсе, эшикдеги ышарыр.
- Бастасын ашагъан, хантусун да ичер.
- Айран ичген – къутулду, джугъусун джалагъан – тутулду.
- Терслик кетер, тюзлюк джетер.
- Ашхылыкъ джерде джатмайды, аманлыкъ суугъа батмайды.
- Дуния мал дунияда къалады.
- Уллу къашыкъ эрин джыртар.
- Тойну къарнашы – харс, джырны къарнашы – эжиу.
- Хар зат кесини орнуна иги.
- Джюрекге ариу – кёзге да ариу.
- Ач къалгъандан, кеч къалгъан къолай.
- Джарлы джети элни сёзюн этер.
- Аджалсыз ёлюм болмаз.
- Окъугъанны бети джарыкъ.
- Тойчу джашха къарама, къойчу джашха къара.
- Адеб этмеген, адеб кёрмез.
- Къарт айтханны этмеген, къартаймаз.
- Юй кюйдю да, кюйюз чыкъды, ортасындан тюйюш чыкъды.
- Джыланны къуйругъундан басарынг келсе, аны башы болгъанын унутма.
- Аз сёлеш, кёб ишле.
- Тойгъан антын унутур.
- Алтыннга тот къонмаз.
- Акъыллы – эл иеси, тели – эл баласы.
- Дженгил джетерикме деб, узун джолну къоюб, къысхасын барма.
- Эрни эр этерик да, къара джер этерик да, тиширыуду.
Профиль
|
|
|||