- Джолда аягъынга сакъ бол, ушакъда тилинге сакъ бол.
- Эринчекге кюн узун.
- Тойгъан джерден туугъан джер игиди.
- Къуллукъчума, деб махтанма, къуллукъ – хаух джамчыды!
- Бетинги сатма, малынгы сат.
- Эм уллу байлыкъ – джан саулукъ.
- Ётюрюкчюню шагъаты – къатында.
- Ач бёрюге мекям джокъ.
- Акъыллы башны – тили къысха.
- Алим болгъандан эсе, адам болгъан къыйынды.
- Билеги кючлю, бирни джыгъар, билими кючлю, мингни джыгъар.
- Ашхылыкъ джерде джатмайды, аманлыкъ суугъа батмайды.
- Бек анасы джыламаз.
- Чомартха хар кюн да байрамды.
- Ариу сёз аурууунгу алыр.
- Ачыу алгъа келсе, акъыл артха къалады.
- Къанны къан бла джуума, аманны аман бла къуума.
- Ичимден чыкъды хата, къайры барайым сата?
- Билим къая тешер.
- Атлыны кёрсе, джаяуну буту талыр.
- Ариу сёз – къылычдан джити.
- Юйлю уругъа ит чабмаз.
- Этни бети бла шорпасы.
- Ариу сёз джыланны орнундан чыгъарыр.
- Ач – эснер, ат – кишнер.
- Насыблы элин сюер, насыбсыз кесин сюер.
- Ана къойну – балагъа джандет.
- Иги – алгъыш этер, аман – къаргъыш этер.
- Кёз – сюйген джерде, къол – ауругъан джерде.
- Тойгъа барсанг, тоюб бар, эски тонунгу къоюб бар.
- Уллу сёлешме да, уллу къаб.
- Намысы джокъну – дуниясы джокъ.
- Кёзню ачылгъаны – иги, ауузну джабылгъаны – иги.
- Ашын ашагъанынгы, башын да сыйла.
- Эринчекни эр алмаз, эр алса да, кёл салмаз, кёл салса да, кёб бармаз!
- Тик ёргени, тик энгишгеси да болады.
- Ач отунчуну ачыуу – бурнунда.
- Рысхысына кёре, джаш ёсер, къышлыгъына кёре, мал ёсер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Окъуу – билимни ачхычы, окъуу – дунияны бачхычы.
- Сангырау къулакъ эл бузар.
- Къар – келтирди, суу – элтди.
- Бети бедерден, намыс сакълама.
- Аджалсыз ёлюм болмаз.
- Окъугъан – асыу, окъумагъан – джарсыу.
- Кёл ашады да, кеси ашады.
- Зар адам ашынгы ашар, кесинги сатар.
- Танг атмайма десе да, кюн къоярыкъ тюйюлдю.
- Ханнга да келеди хариблик.
- Айраннга суу къош, телиге джол бош.
Профиль
|
|
|||