- Арыгъан къош чамчы болур.
- Аман адамны тепсинге олтуртсанг, къызынгы тилер.
- Кёл – къызбай, къол – батыр.
- Аманнга игилик этсенг, юйюнге сау бармазса.
- Къолу уллу – асыу, аягъы уллу – джарсыу.
- Кеси юйюмде мен да ханма.
- Окъуу – билимни ачхычы, окъуу – дунияны бачхычы.
- Таякъ этден ётер, тил сюекден ётер.
- Бет бетге къараса, бет да джерге къарар.
- Дуния малгъа сатылма, кесингден телиге къатылма.
- Айырылгъанланы айю ашар, бёлюннгенлени бёрю ашар.
- Итли къонакъ джарашмаз.
- Аман адам элни бир-бирине джау этер.
- Чакъырылмай келген къонакъ сыйланмай кетер.
- Чомарт бергенин айтмаз.
- Аман хансны – урлугъу кёб.
- Ачны эсинде – аш.
- Акъыл къартда, джашда тюйюлдю – башдады.
- Таула не мийик болсала да, аууш табылыр.
- Сескекли кесин билдирир.
- Эркишиге тары кебек танг кёрюнюр.
- Байма, деб да, къууанма, джарлыма, деб да, джылама.
- Къобан да къуру да къобханлай турмайды, адам да къуру да патчахлай турмайды.
- Иги болса, тамадама – махтау, аман болса, меннге – айыб.
- Къызбайны юйюне дери сюрсенг, батыр болур.
- Тойгъан антын унутур.
- Къарт бла баш аша, джаш бла аякъ аша.
- Къатын къылыкъсыз, эр тынчлыкъсыз.
- Тюзлюк шохлукъну бегитир.
- Уллу атлама – абынырса, уллу къабма – къарылырса.
- Хар сёзню орну барды.
- Ариу сёз – къылычдан джити.
- Баргъанынга кёре болур келгенинг.
- Агъач халкъгъа алтынды, иссиликге салкъынды.
- Эшекни не къадар тюйсенг да, ат болмаз.
- Накъырданы арты керти болур.
- Мен да «сен», дейме, сен да «кесим», дейсе.
- Эм ашхы къайын ана мамукъ бла башынгы тешер.
- От кюйдюрген, сау болса да, тот кюйдюрген, сау болмаз.
- Орундукъ тюбюнде атылсам да, орта джиликме, де да айлан.
- Иги бла джюрюсенг, джетерсе муратынга, аман бла джюрюсенг, къалырса уятха.
- Аууз сакълагъан – джан сакълар.
- Ёлген аслан – сау чычхан.
- Тамбла алтындан бюгюн багъыр ашхы.
- Тойгъа алгъа да барма, тойда артха да къалма.
- Терслик кетер, тюзлюк джетер.
- Таукелге нюр джауар.
- Орну джокъну – сыйы джокъ.
- Бал чибинни ургъаны – ачы, балы – татлы.
- Узун джолну барсанг, бюгюн келирсе, къысха джолну барсанг, тамбла келирсе.
Профиль
|
gostiniumru
 Эльбрусоид
Баллов: 0
Регистрация: 31.05.2016
Последний визит: 01.06.2016 01:18:55
|
|
||||||
|
|
|
||||||