- Булут кёкге джарашыу, уят бетге джарашыу.
- Ётюрюкню башын керти кесер.
- Кёзюнде тереги болгъан, чёбю болгъаннга кюле эди.
- Зар адам ашынгы ашар, кесинги сатар.
- Эр абынмай, эл танымаз.
- Дуния аламаты сен эсенг да, игиме деб айтма.
- Къобан да къуру да къобханлай турмайды, адам да къуру да патчахлай турмайды.
- Ишин билген, аны сыйын чыгъарады.
- Биреу ашаб къутулур, биреу джалаб тутулур.
- Кёз – сюйген джерде, къол – ауругъан джерде.
- Башы ишлегенни, ауузу да ишлер.
- Бек анасы джыламаз.
- Асхат ашлыкъ сата, юйдегиси ачдан къата.
- Къызын тута билмеген, тул этер, джашын тута билмеген, къул этер.
- Садакъачыны джаны – къапчыгъында.
- Сабий болмагъан джерде, мёлек болмаз.
- Тенгинг джокъ эсе – изле, бар эсе – сакъла!
- Къыйынлы джети элни къайгъысын этер.
- Адам боллукъ, атламындан белгили болур.
- Аманны эки битли тону болур, бирин сеннге кийдирир, бирин кеси киер.
- Джахил болса анасы, не билликди баласы?
- Таукелге нюр джауар.
- Хар ишни да аллы къыйынды.
- Эл элде бирер малынг болгъандан эсе, бирер тенгинг болсун.
- Намыс сатылыб алынмайды.
- Башда акъыл болмаса, эки аякъгъа кюч джетер.
- Иги сеники эсе да, сюйген кесимикин этеме.
- Арбаз сайлама да, хоншу сайла.
- Кенгеш болса, уруш болмаз.
- Ойнаб айтсанг да, эслеб айт.
- Тойгъан джерден туугъан джер игиди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Мухарны эси – ашарыкъда.
- Къатын байлыкъны сюер, эр саулукъну сюер.
- Къарт бла баш аша, джаш бла аякъ аша.
- Эр сокъур болсун, къатын тилсиз болсун.
- Мени джылытмагъан кюн, меннге тиймесин!
- Атадан ёксюз – бир ёксюз, анадан ёксюз – эки ёксюз.
- Къалгъан ишге къар джауар.
- Тура эдим джата, къайдан чыкъды хата?
- Тойгъандан сора, ашны сёкме.
- Аджалсыз ёлюм болмаз.
- Чомартны къолун джокълукъ байлар.
- Ётюрюк хапар аякъ тюбю бла джюрюйдю.
- Къартха ушагъан джаш – акъыллы, джашха ушагъан къарт – тели.
- Къар – келтирди, суу – элтди.
- Хазыр ашха – терен къашыкъ.
- Сютден ауузу кюйген, суугъа юфгюре эди.
- Тешигини къатында, чычхан да батыр болур.
- Юреннген ауруу къалмаз.
Профиль
|
distverru
 Эльбрусоид
Баллов: 0
Регистрация: 17.05.2016
Последний визит: 18.05.2016 00:16:38
|
|
||||||
|
|
|
||||||