- Юйлю уругъа ит чабмаз.
- Байдан умут эте, джарлыдан ёгюз багъасы къорады.
- Байны оноуу, джарлыгъа джарамаз.
- Тешик этген тынчды, аны джамагъан къыйынды.
- Ачылгъан эт джабылыр, кёрген кёз унутмаз.
- Таукел адам тау тешер.
- Ёлген эшек бёрюден къоркъмайды.
- Тамбла алтындан бюгюн багъыр ашхы.
- Оюмсуз атлагъан, аджалсыз ёлюр.
- Таш ата билмеген, башына урур.
- Юре билмеген ит, къонакъ келтирир.
- Къозулугъунда тоймагъан, къойлугъунда тоймаз.
- Билим къая тешер.
- Окъ къызбайны джокълайды.
- Игини сыйлагъан адетди.
- Атадан ёксюз – бир ёксюз, анадан ёксюз – эки ёксюз.
- Ханы къызы буюгъа-буюгъа киштик болду.
- Ханнга да келеди хариблик.
- Келинни – келгинчи, бёркню кийгинчи кёр.
- Аман адам элни бир-бирине джау этер.
- Тюзлюк тас болмайды.
- Айтхан сёзюне табылгъан.
- Бек анасы джыламаз.
- Аджалсыз ёлюм болмаз.
- Сёз – кюмюш, джыр – алтын.
- Адамны аты башхача, акъылы да башхады.
- Эл ауузу – элия.
- Сормай – алма, чакъырылмай – барма.
- Джырына кёре эжиую.
- Джолунга кёре – джюрюшюнг, джагъанга кёре – юлюшюнг.
- Башда акъыл болмаса, эки аякъгъа кюч джетер.
- Чабакъ башындан чирийди.
- Джашлыкъ этмеген, башлыкъ этмез.
- Чалманны аллы къалай башланса, арты да алай барады.
- Ишленмеклик адамлыкъды.
- Бети – къучакълар, джюреги – бычакълар.
- Бетинги сатма, малынгы сат.
- Айырылмаз джууугъунга, унутмаз сёзню айтма.
- Телиге акъыл салгъандан эсе, ёлгеннге джан салырса.
- Джюз элде джюз ёгюзюм болгъандан эсе, джюз джууугъум болсун.
- Татлы сёз – балдан татлы.
- Тойгъандан сора, ашны сёкме.
- Чёбню кёлтюрсенг, тюбюнден сёз чыгъар.
- Миллетни бойну – базыкъ, аны бла кюрешген – джазыкъ.
- Ач, тоймам, дейди, тойгъан, ач болмам, дейди.
- Къонагъынгы артмагъын алма да, алгъышын ал.
- Тилчиден кери бол.
- Тиширыусуз юй – отсуз от джагъа.
- Ётюрюкню башын керти кесер.
- Ариу сёз аурууунгу алыр.
Профиль
|
|
|||