- Ашха уста, юйюнде болсун
- Арбаз къынгырды да, ийнек сауалмайма.
- Ёпкелегенни ашы татлы болады.
- Эл ауузу – элек, анга ийнаннган – халек.
- Сыфатында болмагъаны, суратында болмаз.
- Ата Джуртун танымагъан, атасын да танымаз.
- Сабийни джумушха джибер да, ызындан бар.
- Борчунг бар эсе, хурджунунга ойлаб узал.
- Тамчы таш тешер.
- Кёбню кёрген – кёб билир.
- Къонакъ хазыр болгъанлыкъгъа, къонакъбай хазыр тюлдю.
- Къонагъы джокъну – шоху джокъ.
- Элде адам къалмаса, ит тахтагъа минер.
- Алтыннга тот къонмаз.
- Адамны сыфатына къарама, сёзюне къара.
- Айтхан – тынч, этген – къыйын.
- Биреу ашаб къутулур, биреу джалаб тутулур.
- Мураты болгъанны джюрек тебюую башхады.
- Эки итни арасына сюек атма, эки адамны арасында сёз чыгъарма.
- Атадан ёксюз – бир ёксюз, анадан ёксюз – эки ёксюз.
- Ёлюк кебинсиз къалмаз.
- Къарнынг къанлынга кийирир.
- Ашхы адам – халкъ байлыгъы, ашхы джер – джашау байлыгъы.
- Къан бла кирген, джан бла чыгъар.
- Ишни ахырын ойламай, аллын башлама.
- Тойгъан джерге джети къайт.
- Эрни эр этерик да, къара джер этерик да, тиширыуду.
- Биреу къой излей, биреу той излей.
- Ач къалгъандан, кеч къалгъан къолай.
- Нёгер болсанг, тенг бол, тенг болмасанг, кенг бол.
- Чабакъ башындан чирийди.
- Джолда аягъынга сакъ бол, ушакъда тилинге сакъ бол.
- Кёб джашагъан – кёб билир.
- Эринчекни аурууу – кёб.
- Чабакъгъа акъыл, табагъа тюшсе келеди.
- Кюн – узун, ёмюр – къысха.
- Ким бла джюрюсенг, аны кёзю бла кёрюнюрсе.
- Суу да къайтады чыкъгъан джерине.
- Рысхы – сют юсюнде кёмюк кибикди.
- Тойгъанлыкъ къойгъа джарашады.
- Магъанасыз сёз – тауушсуз сыбызгъы.
- Алим болгъандан эсе, адам болгъан къыйынды.
- Хунаны тюбюн къазсанг, юсюнге ауар.
- Сескекли кесин билдирир.
- Таула не мийик болсала да, аууш табылыр.
- Кёл – къызбай, къол – батыр.
- Чомартны къолун джокълукъ байлар.
- Окъдан джара эртде-кеч болса да бителир, сёз джара, ёмюрге къалыр.
- Джан саулукъ бермей, сан саулукъ бермезсе.
- Бермеген къол, алмайды.
Профиль
|
|
|
|||