- Нарт сёз къарт болмаз.
- Окъугъан – асыу, окъумагъан – джарсыу.
- Тай асырагъан, атха минер.
- Тенгни тенглиги джашай барсанг билинир.
- Таукел адам тау тешер.
- Борчунг бар эсе, хурджунунга ойлаб узал.
- Мураты болгъанны джюрек тебюую башхады.
- Адамны аманы адамны бети бла ойнар.
- Керилген да, ургъан кибикди.
- Сёлеш деб шай берген, тохта деб, сом берген.
- Минг тенг да азды, бир джау да кёбдю.
- Аман киши кеси юйюнде – къонакъ.
- Игиге айтсанг – билир, аманнга айтсанг – кюлюр.
- Сютден ауузу кюйген, суугъа юфгюре эди.
- Джаралыны джастыгъында сау ёлюр.
- Ауругъан – джашаудан умутчу.
- Билмегенинги, билгеннге сор.
- Ашына кёре табагъы, балына кёре къалагъы.
- Огъурлуну сёзю – суу, огъурсузну сёзю – уу.
- Билим насыб берир, билим джолну керир.
- Къонакъ аман болса, къонакъбай джунчур
- Туз, гырджын аша, тюзлюк бла джаша.
- Эли джокъну – кёлю джокъ.
- Джангызны оту джарыкъ джанмаз!
- Сууда джау джокъ, кёб сёзде магъана джокъ.
- Ишин билген, аны сыйын чыгъарады.
- Бозаны арты дауур болур.
- Гугук кесини атын айтыб къычыргъанча, мен, мен деб нек тураса?
- Къартха ушагъан джаш – акъыллы, джашха ушагъан къарт – тели.
- Биреуге кёлтюрген таягъынг, кесинги башынга урур.
- Ашатыргъа иш – ашхы, ишлетирге аш – ашхы.
- Джаханимни кёрмей, джандетге кёл салмазса.
- Джарлы джети элни сёзюн этер.
- Абынмазлыкъ аякъ джокъ, джангылмазлыкъ джаякъ джокъ.
- Къайгъы тюбю – тенгиз.
- Чомартха хар кюн да байрамды.
- Ауузу аманнга «иги», деме.
- Джырчы джырчыгъа – къарнаш.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ачылгъан эт джабылыр, кёрген кёз унутмаз.
- Билим ат болуб да чабар, къуш болуб да учар.
- Джерни букъусу кёкге къонмаз.
- Ана къолу ачытмаз.
- Кёпюр салгъан кеси ётер, уру къазгъан кеси кетер.
- Эки ойлашыб, бир сёлешген.
- Адам туугъан джеринде, ит тойгъан джеринде.
- Бети – къучакълар, джюреги – бычакълар.
- Ашхы адам – халкъ байлыгъы, ашхы джер – джашау байлыгъы.
- Ишленмеген джаш – джюгенсиз ат, ишленмеген къыз – тузсуз хант.
- Хар адамгъа кеси миннген тау кибик.
Профиль
|
|
|
|||