- Ауузу бла къуш тута айланады.
- Элде адам къалмаса, ит тахтагъа минер.
- Юй кюйдю да, кюйюз чыкъды, ортасындан тюйюш чыкъды.
- Рысхы – сют юсюнде кёмюк кибикди.
- Ач уят къоймаз.
- Адам сёзюнден белгили.
- Тамчы таш тешер.
- Къулакъдан эсе, кёзге ышан.
- Къыйынлы джети элни къайгъысын этер.
- Ариу сёз аурууунгу алыр.
- Таукел тауну аудурур.
- Гырджын – тепсини тамадасы.
- Ётген ёмюр – акъгъан суу.
- Тенгинг джокъ эсе – изле, бар эсе – сакъла!
- Керти сёзге тёре джокъ.
- Джырчы ёлсе, джыры къалыр.
- Ёлмесенг да, къарт дамы болмазса?
- Баш – акъыл ючюн, акъылман – халкъ ючюн.
- Эри аманны, къатыны – аман.
- Ёзденликни кёбю ётюрюк.
- Тура эдим джата, къайдан чыкъды хата?
- Айтылгъан буйрукъ, сёгюлмез
- Юй ишлеген балта эшикде къалыр.
- Кёб джат да, бек чаб.
- Къызбайны юйюне дери сюрсенг, батыр болур.
- Джыланны къуйругъундан басарынг келсе, аны башы болгъанын унутма.
- Ашын ашагъанынгы, башын да сыйла.
- Ишни аллы бла къууанма да, арты бла къууан.
- Ана къолу ачытмаз.
- Ашарыкъда сайлагъаннга – чий гырджын.
- Къуру гыбыт бек дыгъырдар.
- Баланы адам этген анады.
- Адебни адебсизден юрен.
- Алгъанда – джууукъ, бергенде – джау.
- Кёлсюзден сёзсюз тууар.
- Адамны адамлыгъы къыйынлыкъда айгъакъланады.
- Джылыгъа джылан илешир.
- Иги адам абынса да, джангылмаз.
- Къарт бла баш аша, джаш бла аякъ аша.
- Этни да ашады, бетни да ашады.
- Къоркъакъны кёзю экили кёрюр.
- Тёрени джагъы джокъ.
- Айырылмаз джууугъунга, унутмаз сёзню айтма.
- Къонакъ аман болса, къонакъбай джунчур
- Айтхан сёзюне табылгъан.
- Адебсиз адам – джюгенсиз ат.
- Аманнга игилик этсенг, юйюнге сау бармазса.
- Экеу тутушса, биреу джыгъылыр.
- Бир абыннган – минг сюрюнюр.
- Чоюнну башы ачыкъ болса, итге уят керекди.
Профиль
|
|
|||