- Тёзгеннге, джабылгъан эшик ачылыр.
- Ата джурт – алтын бешик.
- Аш кетер да бет къалыр.
- Къыз келсе, джумуш эте келеди, къатын келсе, ушакъ эте келеди.
- Кийим тукъум сордурур.
- Аз сёлешген, къайгъысыз турур.
- Минг тенг да азды, бир джау да кёбдю.
- От этилмеген джерден тютюн чыкъмайды.
- Байлыкъ тауусулур, билим тауусулмаз.
- Тёрдеги кюлсе, эшикдеги ышарыр.
- Хазыр ашха – терен къашыкъ.
- Сютню башын джалагъан къутулур, тюбюн ичген тутулур.
- Мени джылытмагъан кюн, меннге тиймесин!
- Кёз – сюйген джерде, къол – ауругъан джерде.
- Адам къаллай бир ишленмесе, аллай бир кесин уллу кёреди.
- Аман къатын сабий табса, бий болур…
- Дуния аламаты сен эсенг да, игиме деб айтма.
- Азыгъы аз, алгъа къабар, аты аман, алгъа чабар.
- Ханы къызы буюгъа-буюгъа киштик болду.
- Халкъны джырын джырласанг, халкъ санга эжиу этер.
- Аш хазыр болса, иш харам болур.
- Мухар, кеси тойса да, кёзю тоймаз.
- Эринчекни аурууу – кёб.
- Джарлы тюеге минсе да, ит къабар.
- Сыфатында болмагъаны, суратында болмаз.
- Бир онгсуз адам адет чыгъарды, деб эштирик тюлсе.
- Ана къолу ачытмаз.
- Акъыл бла адеб эгизледиле.
- Билими азны – ауузунда кирит.
- Къарт болгъан джерде, берекет болур, сабий болгъан джерде, оюн болур.
- Аджашханны ызындагъы кёреди, джангылгъанны джанындагъы биледи.
- Адеб базарда сатылмаз.
- Ата – билек, ана – джюрек!
- Тилсиз миллет джокъ болур.
- Абынмазлыкъ аякъ джокъ, джангылмазлыкъ джаякъ джокъ.
- Урама да – ёледи, сатама да – келеди.
- Гырджын – тепсини тамадасы.
- Эр сокъур болсун, къатын тилсиз болсун.
- Чакъырылгъанны аты, чакъырылмагъанны багъасы болур.
- Кечеси – аяз, кюню – къыш, джарлы къаргъагъа бир аш тюш!
- Кийимни бичсенг, кенг бич, тар этген къыйын тюлдю.
- Къолу уллу – асыу, аягъы уллу – джарсыу.
- Чомартха хар кюн да байрамды.
- Баланы адам этген анады.
- Джарлы джети элни сёзюн этер.
- Ашхылыкъ джерде джатмайды, аманлыкъ суугъа батмайды.
- Тас болгъан бычакъны сабы – алтын.
- Къатыны харакетли болса, эри къымсыз болур.
- Джюз элде джюз ёгюзюм болгъандан эсе, джюз джууугъум болсун.
- Джырчы ёлсе, джыры къалыр.
Профиль
|
|
|
|||