- Тенгни тенглиги джашай барсанг билинир.
- Адамны адамлыгъы къыйынлыкъда айгъакъланады.
- Эринчекни эр алмаз, эр алса да, кёл салмаз, кёл салса да, кёб бармаз!
- Уллу къазанда бишген эт, чий къалмаз.
- Адам сёзге тынгыла, акъыл сёзню ангыла.
- Шапа кёб болса, аш татымсыз болур.
- Къонагъы джокъну – шоху джокъ.
- Аманны къуугъан, аманлыкъ табар.
- Таш бла ургъанны, аш бла ур.
- Байлыкъ болгъан джерде, тынчлыкъ джокъду.
- Байны къызы баймакъ болса да, юйде къалмаз!
- Шайтан алдады, тюзлюк къаргъады.
- Кийиминг бла танылма, адамлыкъ бла таныл.
- Уллу атлама – абынырса, уллу къабма – къарылырса.
- Къарт айтханны этмеген, къартаймаз.
- Ата Джуртча джер болмаз, туугъан элча эл болмаз.
- Эрине къаргъыш этген къатын, эрнин къабар.
- Термилгенинги табмазса, кюлгенинге тюберсе.
- Эртде тургъан бла эртде юйленнген сокъуранмаз.
- Мени джылытмагъан кюн, меннге тиймесин!
- Айраннга суу къош, телиге джол бош.
- Эри аманны, къатыны – аман.
- Джырчы ёлсе, джыры къалыр.
- Кёзню ачылгъаны – иги, ауузну джабылгъаны – иги.
- Юреннген ауруу къалмаз.
- Душманны тышы – акъ, ичи – къара.
- Сёз сёзню айтдырыр.
- Хантына кёре тузу, юйюне кёре къызы.
- Итли къонакъ джарашмаз.
- Ишлерге уял да, ашаргъа табма.
- Хунаны тюбюн къазсанг, юсюнге ауар.
- Тик ёргени, тик энгишгеси да болады.
- Аман адамны тепсинге олтуртсанг, къызынгы тилер.
- «Ёгюз, джаргъа джууукъ барма, меннге джюк боллукъса», - дегенди эшек.
- Кюн – узун, ёмюр – къысха.
- Биреуге аманлыкъны тилеме да, кесинге ашхылыкъны тиле.
- Ач къарынны, токъ билмез
- Къыз чыгъаргъан – къызыл къымжа.
- Билим къая тешер.
- Аман адам элни бир-бирине джау этер.
- Хар ишни да аллы къыйынды.
- Эли джокъну – кёлю джокъ.
- Таякъ этден ётер, тил сюекден ётер.
- Ариу сёз – къылычдан джити.
- Эринчекге кюн узун.
- Ургъан суудан башынгы сакъла.
- Эм ашхы къайын ана мамукъ бла башынгы тешер.
- Джерни букъусу кёкге къонмаз.
- Дженгил джетерикме деб, узун джолну къоюб, къысхасын барма.
- Эм уллу байлыкъ – джан саулукъ.
Профиль
|
|
|||