- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Биреуге кёлтюрген таягъынг, кесинги башынга урур.
- Алма терегинден кери кетмез.
- Тенгни тенглиги джашай барсанг билинир.
- Тулпарлыкъ, билекден тюл – джюрекден.
- Биреуге аманлыкъны тилеме да, кесинге ашхылыкъны тиле.
- Эте билген, этген этеди, эте билмеген, юретген этеди!
- Адеб этмеген, адеб кёрмез.
- Аурууну келиую тынч, кетиую – къыйын.
- Чёбню кёлтюрсенг, тюбюнден сёз чыгъар.
- Кёзюнде тереги болгъан, чёбю болгъаннга кюле эди.
- Чакъырылгъанны аты, чакъырылмагъанны багъасы болур.
- Ашыкъгъан cуу, тенгизге джетмез.
- Тойгъандан сора, ашны сёкме.
- Кенгеш болса, уруш болмаз.
- Ариу джол аджал келтирмез.
- Айран тёгюлсе, джугъусу къалыр.
- Билмейме деген – бир сёз
- Адам сёзге тынгыла, акъыл сёзню ангыла.
- Ашхы атаны – джашы ашхы, ашхы ананы – къызы ашхы.
- Намыс сатылыб алынмайды.
- Иесиз малны бёрю ашар.
- Аджаллыгъа окъсуз шкок атылыр.
- Юйюнгден чыкъдынг – кюнюнгден чыкъдынг.
- Ач къалгъандан, кеч къалгъан къолай.
- Игиге айтсанг – билир, аманнга айтсанг – кюлюр.
- Адам сёзюнден белгили.
- Байны къызы баймакъ болса да, юйде къалмаз!
- Нафысынгы айтханын этме, намысынгы айтханын эт.
- Ана – юйню кюн джарыгъы.
- Къоркъакъны кёзю экили кёрюр.
- Тил – кесген бычакъ, сёз – атылгъан окъ.
- Бюгюн дуния кибик, тамбла ахыратды.
- Къарт бла баш аша, джаш бла аякъ аша.
- Ауузу бла къуш тута айланады.
- Акъыллы эркиши атын махтар, акъылсыз эркиши къатынын махтар.
- Уллу айтханны этмеген – уллаймаз.
- Бек анасы джыламаз.
- Кирсизни – саны таза, халалны – къаны таза.
- Джогъун бар этген, барын бал этген.
- Ачлыкъ отха секиртир.
- Таугъа чыгъаллыкъ эсенг, тюзде къалма.
- Ауурну тюбю бла, дженгилни башы бла джюрюген.
- Бермеген къол, алмайды.
- Абынмазлыкъ аякъ джокъ, джангылмазлыкъ джаякъ джокъ.
- Тенги кёбню джау алмаз, акъылы кёбню дау алмаз.
- Босагъа таш юйге кирмей эди, тыбыр таш эшикге чыкъмай эди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ашын ашагъанынгы, башын да сыйла.
- Ёлмесенг да, къарт дамы болмазса?
Профиль
|
|
|
|||