- Ашына кёре табагъы, балына кёре къалагъы.
- Ашхылыкъ джерде джатмайды, аманлыкъ суугъа батмайды.
- Нёгер болсанг, тенг бол, тенг болмасанг, кенг бол.
- Кийимни бир кюнню аясанг, минг кюннге джарар.
- Окъдан джара эртде-кеч болса да бителир, сёз джара, ёмюрге къалыр.
- Башы ишлегенни, ауузу да ишлер.
- Агъач – джерни чырайы, кийим – эрни чырайы.
- Чабакъгъа акъыл, табагъа тюшсе келеди.
- Кёб джат да, бек чаб.
- Кесине оноу эте билмеген, халкъына да эте билмез.
- Аманнга да, игиге да оноусуз къатышма.
- Эки ойлашыб, бир сёлешген.
- Акъдан къара болмаз.
- Ишленмеген джаш – джюгенсиз ат, ишленмеген къыз – тузсуз хант.
- Ашхы адам – халкъ байлыгъы, ашхы джер – джашау байлыгъы.
- Айырылмаз джууугъунга, унутмаз сёзню айтма.
- Ана – юйню кюн джарыгъы.
- Ана кёлю – балада, бала кёлю – талада.
- Тойгъан антын унутур.
- Ат да турмайды бир териде.
- Джангызны оту джарыкъ джанмаз!
- Чакъырылмай келген къонакъ сыйланмай кетер.
- Кёбден умут этиб, аздан къуру къалма.
- Акъыл аздырмаз, билим тоздурмаз.
- Къайгъы тюбю – тенгиз.
- Тура эдим джата, къайдан чыкъды хата?
- Къызбайны юйюне дери сюрсенг, батыр болур.
- Миллетни бойну – базыкъ, аны бла кюрешген – джазыкъ.
- Адеб базарда сатылмаз.
- Къалгъан ишге къар джауар.
- Иши джокъну, сыйы джокъ.
- Ётюрюкчюню шагъаты – къатында.
- Намысы джокъну – дуниясы джокъ.
- Джаралыны джастыгъында сау ёлюр.
- Ана къойну – балагъа джандет.
- Минг тенг да азды, бир джау да кёбдю.
- Сабийликде юретмесенг, уллу болса – тюзелмез.
- Ёлген аслан – сау чычхан.
- Керек ташны ауурлугъу джокъ.
- Бозаны арты дауур болур.
- Джигер – джаннга къыйынлыкъ.
- Юреннген ауруу къалмаз.
- Эшекни не къадар тюйсенг да, ат болмаз.
- Тенги кёбню джау алмаз, акъылы кёбню дау алмаз.
- Суугъа – таянма, джаугъа – ийнанма.
- Къыз келсе, джумуш эте келеди, къатын келсе, ушакъ эте келеди.
- Аджаллыгъа окъсуз шкок атылыр.
- Аджалсыз ёлюм болмаз.
- Окъуу – билимни ачхычы, окъуу – дунияны бачхычы.
- Къолу уллу – асыу, аягъы уллу – джарсыу.
Профиль
|
|
|
|||