- Ана къойну – балагъа джандет.
- Чомарт джарлы болмаз.
- Аджалсыз ёлюм болмаз.
- Тенгинг джокъ эсе – изле, бар эсе – сакъла!
- Этни да ашады, бетни да ашады.
- Ата Джуртча джер болмаз, туугъан элча эл болмаз.
- Ашхы адам – халкъ байлыгъы, ашхы джер – джашау байлыгъы.
- Ачыу алгъа келсе, акъыл артха къалады.
- Юйлю уругъа ит чабмаз.
- Чабакъсыз кёлге къармакъ салгъанлыкъгъа, чабакъ тутмазса.
- Эр абынмай, эл танымаз.
- Баргъанынга кёре болур келгенинг.
- Чакъырылгъанны аты, чакъырылмагъанны багъасы болур.
- Чёбню кёлтюрсенг, тюбюнден сёз чыгъар.
- Аджаллыгъа окъсуз шкок атылыр.
- Адамны адамлыгъы къыйынлыкъда айгъакъланады.
- Иги сеники эсе да, сюйген кесимикин этеме.
- Билим – акъылны чырагъы.
- Джан саулукъ бермей, сан саулукъ бермезсе.
- Ашхы – джыяр, аман – джояр.
- Гугук кесини атын айтыб къычыргъанча, мен, мен деб нек тураса?
- Ёзденликни кёбю ётюрюк.
- Битмегеннге сакъал – танг.
- Рысхы джалгъанды: келген да этер, кетген да этер.
- Джангыз торгъай джырламаз.
- Итли къонакъ джарашмаз.
- Агъач халкъгъа алтынды, иссиликге салкъынды.
- Билмейме деген – бир сёз
- Кюлме джашха – келир башха.
- Къонагъынгы артмагъын алма да, алгъышын ал.
- Адамны сыфатына къарама, сёзюне къара.
- Джыгъылгъанны сырты джерден тоймаз.
- Къууут – джелге, берне – бошха.
- Зар адам ашынгы ашар, кесинги сатар.
- Зар адамны насыбы болмаз.
- Кёб къычыргъандан – къоркъма, тынч олтургъандан – къоркъ.
- Ана къолу ачытмаз.
- Эркишиге тары кебек танг кёрюнюр.
- Таукел къуру къалмаз.
- Башсыз урчукъ тюзюне айланмаз.
- Билими азны – ауузунда кирит.
- Байны оноуу, джарлыгъа джарамаз.
- Аманны тукъумуна къарама, игини тукъумун сорма.
- Эринчекни аурууу – кёб.
- Нарт сёз – тилни бети.
- Сабийни джумушха джибер да, ызындан бар.
- Уллу атлама – абынырса, уллу къабма – къарылырса.
- Ёмюрлюк шохлукъну джел элтмез.
- Ауругъаннга – кийик саулукъ, джетген къызгъа – чилле джаулукъ.
- Тилчи тилден къаныкъмаз.
Профиль
|
|
|||