- Байлыкъ болгъан джерде, тынчлыкъ джокъду.
- Ёлген эшек бёрюден къоркъмайды.
- Тилчиден кери бол.
- Мураты болгъанны джюрек тебюую башхады.
- Хар ишни да аллы къыйынды.
- Билимсиз иш бармаз.
- Туз, гырджын аша, тюзлюк бла джаша.
- Къонагъынгы артмагъын алма да, алгъышын ал.
- Айтылгъан буйрукъ, сёгюлмез
- Джашда акъыл джокъ, къартда къарыу джокъ.
- Сууда джау джокъ, кёб сёзде магъана джокъ.
- Кенгеш болса, уруш болмаз.
- Зар адам ашынгы ашар, кесинги сатар.
- Къоркъакъны кёзю экили кёрюр.
- Къарын къуру болса, джюрек уру болур.
- Этни бети бла шорпасы.
- Акъыл бла адеб эгизледиле.
- Къарнынг къанлынга кийирир.
- Кимни – тили, тиши онглу, кимни – къолу, иши онглу.
- Тил бла келеди джыр да.
- Къызны минг тилер, бир алыр.
- Ата Джуртча джер болмаз, туугъан элча эл болмаз.
- Адеб джокъда, намыс джокъ.
- Сабийни джумушха джибер да, ызындан бар.
- Айырылгъанланы айю ашар, бёлюннгенлени бёрю ашар.
- Арпа, будай – ащды, алтын, кюмюш а – ташды.
- Ач отунчуну ачыуу – бурнунда.
- Сагъыш – къартлыкъгъа сюйюмчю.
- Джыйырма къойну юч джыйырма эбзе кюте эди.
- Къулакъдан эсе, кёзге ышан.
- Дуния аламаты сен эсенг да, игиме деб айтма.
- Чомартха хар кюн да байрамды.
- Кёкдеги болмаса, джердегин кёрмейди.
- Айран ичген – къутулду, джугъусун джалагъан – тутулду.
- Аман хансны – урлугъу кёб.
- Билимли ёлмез, билимсиз кёрмез.
- Билмейме деген – бир сёз
- Ана къойну – балагъа джандет.
- Джыгъылгъанны сырты джерден тоймаз.
- Эки элинги тыйсанг, джети элде махталырса.
- Джыланны къуйругъундан басарынг келсе, аны башы болгъанын унутма.
- Джангыз торгъай джырламаз.
- Бёрю да ач къалмасын, эчки да ашалмасын.
- Элиб деген, элге болушур.
- Кийимни бичсенг, кенг бич, тар этген къыйын тюлдю.
- Шекер бла туз – бир болмаз, ушамагъан – юй болмаз.
- Ашха уста, юйюнде болсун
- Юйюнгден чыкъдынг – кюнюнгден чыкъдынг.
- Ойнаб айтсанг да, эслеб айт.
- Адамны аманы адамны бети бла ойнар.
Профиль
|
|
|
|||