- Аллахдан тилесенг, кёб тиле.
- Акъыллы айтыр эди, акъылсыз къоймайды.
- Бермеген къол, алмайды.
- Акъыл сабырлыкъ берир.
- Айырылмаз джууугъунга, унутмаз сёзню айтма.
- Байлыкъ келсе, акъыл кетер.
- Биреу ашаб къутулур, биреу джалаб тутулур.
- Суугъа – чабакъ, къаягъа – ыргъакъ.
- Танг атмайма десе да, кюн къоярыкъ тюйюлдю.
- Ашыкъгъанны этеги бутуна чырмалыр.
- Юй ишлеген балта эшикде къалыр.
- Бети бедерден, намыс сакълама.
- Байдан умут эте, джарлыдан ёгюз багъасы къорады.
- Акъыллы эркиши атын махтар, акъылсыз эркиши къатынын махтар.
- Сескекли кесин билдирир.
- Мени джылытмагъан кюн, меннге тиймесин!
- Иги – алгъыш этер, аман – къаргъыш этер.
- Ач да бол, токъ да бол – намысынга бек бол.
- Биреуге аманлыкъ этиб, кесинге игилик табмазса.
- Экиндини кеч къылсанг, чабыб джетер ашхам.
- Кёб ант этген, кёб ётюрюк айтыр.
- Эркиши – от, тиширыу – суу.
- Рысхы джалгъанды: келген да этер, кетген да этер.
- Ётген ёмюр – акъгъан суу.
- Уллу суу бла уллу ауруудан башынгы сакъла.
- Арба аугъандан сора, джол кёргюзтюучю кёб болур.
- Къан бла кирген, джан бла чыгъар.
- Адебсиз адам – джюгенсиз ат.
- Aдам боллукъ, сыфатындан белгили.
- Кёзню ачылгъаны – иги, ауузну джабылгъаны – иги.
- Итли къонакъ джарашмаз.
- Сабыр джетер муратха, сабырсыз къалыр уятха.
- Къаллай салам берсенг, аллай джууаб алырса.
- Къыз келсе, джумуш эте келеди, къатын келсе, ушакъ эте келеди.
- Уллу атлама – абынырса, уллу къабма – къарылырса.
- Аз сёлеш, кёб ишле.
- Къобан да къуру да къобханлай турмайды, адам да къуру да патчахлай турмайды.
- Тилчиден кери бол.
- Адеб базарда сатылмаз.
- Ауругъаннга – кийик саулукъ, джетген къызгъа – чилле джаулукъ.
- Махтаннган къыз, тойда джукълар.
- Кёз – сюйген джерде, къол – ауругъан джерде.
- Хар зат кесини орнуна иги.
- Къанны къан бла джуума, аманны аман бла къуума.
- Атынг аманнга чыкъгъандан эсе, джанынг тамагъынгдан чыкъсын.
- Тойгъа алгъа да барма, тойда артха да къалма.
- Къарнынг къанлынга кийирир.
- Хар адамгъа кеси миннген тау кибик.
- Билим насыб берир, билим джолну керир.
- Алтыда кюлмеген, алтмышда кюлмез.
Профиль
|
|
|
|||