- Биреуню къыйынлыгъы бла кесинге джол ишлеме.
- Акъыллы башны – тили къысха.
- Ашхылыкъ джерде джатмайды, аманлыкъ суугъа батмайды.
- Баш – акъыл ючюн, акъылман – халкъ ючюн.
- Чомартны къолу берекет.
- Асхат ашлыкъ сата, юйдегиси ачдан къата.
- Ёмюрлюк шохлукъну джел элтмез.
- Ач – эснер, ат – кишнер.
- Шапа кёб болса, аш татымсыз болур.
- Акъыл неден да кючлюдю.
- Тили узунну, намысы – къысха.
- Кесинге джетмегенни, кёб сёлешме.
- Акъыллы эркиши атын махтар, акъылсыз эркиши къатынын махтар.
- Тау башында, тау болмаз, джангыз терек, бау болмаз.
- Башы джабылгъан челекге, кир тюшмез.
- Ёзденликни джайгъан – джокълукъ.
- Къумурсхала джыйылсала, пилни да джыгъадыла.
- Къарнынг тойгъунчу аша да, белинг талгъынчы ишле.
- Кёб джат да, бек чаб.
- Ауурну тюбю бла, дженгилни башы бла джюрюген.
- Накъырда – кертини келечиси.
- Артына баргъанны, къатына барма.
- Джогъун бар этген, барын бал этген.
- Ач уят къоймаз.
- Суугъа – таянма, джаугъа – ийнанма.
- Джаш къарыу бла кючлю, къарт акъыл бла кючлю.
- Хансыз джомакъ болмаз.
- Ханы къызы буюгъа-буюгъа киштик болду.
- Ишлерге уял да, ашаргъа табма.
- Къатыны харакетли болса, эри къымсыз болур.
- Бёрю да ач къалмасын, эчки да ашалмасын.
- Къыйынлы джети элни къайгъысын этер.
- Кёзю сокъурдан – къоркъма, кёлю сокъурдан – къоркъ.
- Къазанда болса, чолпугъа чыгъар.
- Тойгъа алгъа да барма, тойда артха да къалма.
- Ач, тоймам, дейди, тойгъан, ач болмам, дейди.
- Элге къуллукъ этмеген, элге ие болмаз.
- Къралынгы – душмандан, башынгы от бла суудан сакъла.
- Къартха ушагъан джаш – акъыллы, джашха ушагъан къарт – тели.
- Туз, гырджын аша, тюзлюк бла джаша.
- Аууз сакълагъан – джан сакълар.
- Сабийликде юретмесенг, уллу болса – тюзелмез.
- Акъылсызны джууукъгъа алма, акъыллыны кенгнге салма.
- Байма, деб да, къууанма, джарлыма, деб да, джылама.
- Акъдан къара болмаз.
- Къонакъ болсанг, ийнакъ бол.
- Арбаз сайлама да, хоншу сайла.
- Халкъны юйю – туугъан джери.
- Намысы джокъну – дуниясы джокъ.
- Аллахха ийнаннган кишини, Аллах онгдурур ишин.
Профиль
|
|
|||