- Къыз чыгъаргъан – къызыл къымжа.
- Къонакъ аман болса, къонакъбай джунчур
- Азыкълы ат арымаз, къатыны аман джарымаз.
- Биреуге кёлтюрген таягъынг, кесинги башынга урур.
- Тёрени джагъы джокъ.
- Бастасын ашагъан, хантусун да ичер.
- Айныгъанлы алты кюн, тогъайгъанлы тогъуз кюн.
- Керилген да, ургъан кибикди.
- Джиби бир къат джетмей эди да, эки къат тарта эди.
- Къызны минг тилер, бир алыр.
- Миллетни бойну – базыкъ, аны бла кюрешген – джазыкъ.
- Насыблы элин сюер, насыбсыз кесин сюер.
- Ач да бол, токъ да бол – намысынга бек бол.
- Дуния аламаты сен эсенг да, игиме деб айтма.
- Къарын къуру болса, джюрек уру болур.
- Сёз садакъдан кючлюдю.
- Иги адамны бир сёзю эки болмаз.
- Кюн кёрмеген, кюн кёрсе, кюндюз чыракъ джандырыр.
- Байны къызы баймакъ болса да, юйде къалмаз!
- Ашарыкъда сайлагъаннга – чий гырджын.
- Ашхы сёз таш тешер.
- Ашлыкъны арба юйге келтирир, чана базаргъа элтир.
- Ашын ашагъанынгы, башын да сыйла.
- Мени джылытмагъан кюн, меннге тиймесин!
- Айран ичген – къутулду, джугъусун джалагъан – тутулду.
- Джашлыкъ этмеген, башлыкъ этмез.
- Ишлегенден, къарагъан уста.
- Къонагъынгы артмагъын алма да, алгъышын ал.
- Бир абыннган – минг сюрюнюр.
- Кенгеш болса, уруш болмаз.
- Аджал соруб келмез, келсе, къайтыб кетмез.
- Джарлы джети элни сёзюн этер.
- Аманны эки битли тону болур, бирин сеннге кийдирир, бирин кеси киер.
- Тынгылагъан тынгы бузар.
- Билеги кючлю, бирни джыгъар, билими кючлю, мингни джыгъар.
- Ариу сёз – къылычдан джити.
- Хар сёзню орну барды.
- Чыкълы кюнде чыкъмагъан, чыкъса къуру кирмеген.
- Тамырсыз терекге таянма – джыгъылырса.
- Къозулугъунда тоймагъан, къойлугъунда тоймаз.
- Билим ат болуб да чабар, къуш болуб да учар.
- Къарнынг тойгъунчу аша да, белинг талгъынчы ишле.
- Аз сёлеш, кёб ишле.
- Харам къарнашдан, халал тенг ашхы.
- Тенгни тенглиги джашай барсанг билинир.
- Эрине къаргъыш этген къатын, эрнин къабар.
- Телиге от эт десенг, юйюнге от салыр.
- Ат басханны джер билед.
- Тели турса – той бузар.
- Акъыл неден да кючлюдю.
Профиль
|
|
|||