- Адамны адамлыгъы къыйынлыкъда айгъакъланады.
- Суугъа – таянма, джаугъа – ийнанма.
- Билмезни кёзю кёрмез, этмезни къулагъы эшитмез.
- Баш – акъыл ючюн, акъылман – халкъ ючюн.
- Хантына кёре тузу, юйюне кёре къызы.
- Алгъанда – джууукъ, бергенде – джау.
- Сууда джау джокъ, кёб сёзде магъана джокъ.
- Адамгъа аман кюн соруб келмейди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джети тилни билген джети кишиди.
- Малны кют, джерни тюрт.
- Аякъларынгы джууургъанынга кёре узат.
- Борчунг бар эсе, хурджунунга ойлаб узал.
- Эркишини аманы тиширыуну джылатыр.
- Ариу – кёзге, акъыл – джюрекге.
- Кёлсюзден сёзсюз тууар.
- Юй ишлеген балта эшикде къалыр.
- Атлыны кёрсе, джаяуну буту талыр.
- Къарт айтханны этмеген, къартаймаз.
- Адамны джюреги нени кёрюрге сюйсе, кёзю да аны кёрюрге ёч болады.
- Билмейме деген – бир сёз
- Телини эшигин, махтау джабар.
- Тай асырагъан, атха минер.
- Башынга джетмегенни сорма.
- Тюзню ётмеги тюзде къалса да, тас болмаз.
- Тил бла келеди джыр да.
- Билгенни къолу къарны джандырыр.
- Кёл – къызбай, къол – батыр.
- Арыгъан къош чамчы болур.
- Булут кёкге джарашыу, уят бетге джарашыу.
- Экиндини кеч къылсанг, чабыб джетер ашхам.
- Татлы сёз – балдан татлы.
- Ёпкелегенни ашы татлы болады.
- Къозулугъунда тоймагъан, къойлугъунда тоймаз.
- Джюрекден джюрекге джол барды.
- Биреуню къыйынлыгъы бла кесинге джол ишлеме.
- Къарнынг бла ёч алма.
- Ариуну – ауруу кёб.
- Терек ауса, отунчу – кёб.
- Илму – джашауну джолу.
- Ашхы тенг джолгъа салыр, аман тенг джолдан тайдырыр.
- Башы ишлегенни, ауузу да ишлер.
- Ата – баланы уясы.
- Къар – келтирди, суу – элтди.
- Ашлыкъны арба юйге келтирир, чана базаргъа элтир.
- Айран тёгюлсе, джугъусу къалыр.
- Тилчи тилден къаныкъмаз.
- Ариу сёз аурууунгу алыр.
- Джарлы джети элни сёзюн этер.
- Джигер – джаннга къыйынлыкъ.
Профиль
|
|
|||