- Эшекге миннген – биринчи айыб, андан джыгъылгъан – экинчи айыб.
- Соргъан айыб тюлдю, билмеген айыбды.
- Иши джокъну, сыйы джокъ.
- Олтуруб кёрюнмей эди да, ёрге туруб кёрюне эди.
- Ачыу алгъа келсе, акъыл артха къалады.
- Сёз – кюмюш, джыр – алтын.
- Танг атмайма десе да, кюн къоярыкъ тюйюлдю.
- Аманны къуугъан, аманлыкъ табар.
- Ёлген эшек бёрюден къоркъмайды.
- Адамны сыфатына къарама, сёзюне къара.
- Аш кетер да бет къалыр.
- Ёзденликни кёбю ётюрюк.
- Тойгъа алгъа да барма, тойда артха да къалма.
- Джарлы тюеге минсе да, ит къабар.
- Киштикге къанат битсе, чыпчыкъ къалмаз эди.
- Эр абынмай, эл танымаз.
- Терслик кетер, тюзлюк джетер.
- Керти сёзге тёре джокъ.
- Аман адамны тепсинге олтуртсанг, къызынгы тилер.
- Элде адам къалмаса, ит тахтагъа минер.
- Байлыкъдан саулукъ ашхыды.
- Алтыннга тот къонмаз.
- Айтылгъан сёз ызына къайтмаз.
- Джарлыны эшигин махтагъан джабар.
- Джюрек кёзден алгъа кёрюр.
- Этни да ашады, бетни да ашады.
- Минг тенг да азды, бир джау да кёбдю.
- Юйюнг бла джау болгъандан эсе, элинг бла джау бол.
- Мураты болгъанны джюрек тебюую башхады.
- Азыкълы ат арымаз, къатыны аман джарымаз.
- Бёрю да ач къалмасын, эчки да ашалмасын.
- Джангызны оту джарыкъ джанмаз!
- Айырылмаз джууугъунга, унутмаз сёзню айтма.
- Хунаны тюбюн къазсанг, юсюнге ауар.
- Эртде тургъан бла эртде юйленнген сокъуранмаз.
- Чабакъгъа акъыл, табагъа тюшсе келеди.
- Суу ичген шауданынга тюкюрме.
- Миллетни бойну – базыкъ, аны бла кюрешген – джазыкъ.
- Чалманны аллы къалай башланса, арты да алай барады.
- Ётюрюк хапар аякъ тюбю бла джюрюйдю.
- Бойнуму джети джерден кессенг да, мен ол ишни этеллик тюлме.
- Джашлыкъ этмеген, башлыкъ этмез.
- Джарлы джети элни сёзюн этер.
- Къайгъы тюбю – тенгиз.
- Ашарыкъда сайлагъаннга – чий гырджын.
- Тыш элде солтан болгъандан эсе, кесинги элде олтан болгъан игиди!
- Агъач халкъгъа алтынды, иссиликге салкъынды.
- Татлы сёз – балдан татлы.
- Билимсиз иш бармаз.
- Чоюнну башы ачыкъ болса, итге уят керекди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72