- Рысхы – сют юсюнде кёмюк кибикди.
- Ашхы – джыяр, аман – джояр.
- Къолу уллу – асыу, аягъы уллу – джарсыу.
- Бал ашаргъа сюе эсенг, чибин ургъаннга тёз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Акъыл сабырлыкъ берир.
- Сёлеш деб шай берген, тохта деб, сом берген.
- Ёксюзню тилеги къабыл болур.
- Тин – байлыгъынг, терен саулугъунг.
- Аман киши кеси юйюнде – къонакъ.
- Экеу тутушса, биреу джыгъылыр.
- Бети – къучакълар, джюреги – бычакълар.
- Минг тенг да азды, бир джау да кёбдю.
- Ата – билек, ана – джюрек!
- Бал чибинни ургъаны – ачы, балы – татлы.
- Эл ауузу – элия.
- Эли джокъну – кёлю джокъ.
- Эртде тургъан бла эртде юйленнген сокъуранмаз.
- Эки ойлашыб, бир сёлешген.
- Сормай – алма, чакъырылмай – барма.
- Иги адамны бир сёзю эки болмаз.
- Бир абыннган – минг сюрюнюр.
- Ачлыкъ отха секиртир.
- Сютден ауузу кюйген, суугъа юфгюре эди.
- Ойнай билмеген, уруб къачар.
- Дууулдаса – бал чибин, къонса – къара чибин.
- Шекер бла туз – бир болмаз, ушамагъан – юй болмаз.
- Хансыз джомакъ болмаз.
- Эл элде бирер малынг болгъандан эсе, бирер тенгинг болсун.
- Джарлыны тону джаз битер.
- Нарт сёз – тилни бети.
- Ариу джол аджал келтирмез.
- Айранны сюйген, ийнек тутар.
- Рысхы – насыбха къор.
- Ач, тоймам, дейди, тойгъан, ач болмам, дейди.
- Акъыллы эркиши атын махтар, акъылсыз эркиши къатынын махтар.
- Азыкълы ат арымаз, къатыны аман джарымаз.
- Кёзден кетген, кёлден да кетеди.
- Элни кючю – эмеген.
- Кюлме джашха – келир башха.
- Адебсиз адам – джюгенсиз ат.
- Къралынгы – душмандан, башынгы от бла суудан сакъла.
- Ата – баланы уясы.
- Ауругъан – джашаудан умутчу.
- Чабар ат – джетген къыз.
- Онгсузну – джакъла, тенгликни – сакъла.
- Аманнга да, игиге да оноусуз къатышма.
- Ач келгенни – тойдур, кеч келгенни – къондур.
- Кёбге таш атма.
- Намысы джокъну – дуниясы джокъ.
Профиль
|
tisisodam
 Эльбрусоид
Баллов: 0
Регистрация: 29.12.2015
Последний визит: 30.12.2015 01:32:26
|
|
||||||||||
|
|
|
||||||||||