- Татлы тилде – сёз ариу, чемер къолда – иш ариу.
- Биреуге аманлыкъ этиб, кесинге игилик табмазса.
- Джюрекге ариу – кёзге да ариу.
- Садакъачыны джаны – къапчыгъында.
- Игини сыйлагъан адетди.
- Эркиши – от, тиширыу – суу.
- Сёлеш деб шай берген, тохта деб, сом берген.
- Урама да – ёледи, сатама да – келеди.
- Таула не мийик болсала да, аууш табылыр.
- Баш – акъыл ючюн, акъылман – халкъ ючюн.
- Къайтырыкъ эшигинги, къаты уруб чыкъма.
- Ариу – кёзге, акъыл – джюрекге.
- Атлыны кёрсе, джаяуну буту талыр.
- Ач къарным, тынч къулагъым.
- Терслик кетер, тюзлюк джетер.
- Айныгъанлы алты кюн, тогъайгъанлы тогъуз кюн.
- Къуру гыбыт бек дыгъырдар.
- Терек ауса, отунчу – кёб.
- Рысхы – сют юсюнде кёмюк кибикди.
- Атлыны ашхысы, ат тизгининден билинир
- Рысхы – насыбха къор.
- Насыб бютеу халкъны юлюшюдю.
- Алим болгъандан эсе, адам болгъан къыйынды.
- Джогъун бар этген, барын бал этген.
- Кечеси – аяз, кюню – къыш, джарлы къаргъагъа бир аш тюш!
- Джырына кёре эжиую.
- Къарт бла баш аша, джаш бла аякъ аша.
- Атадан ёксюз – бир ёксюз, анадан ёксюз – эки ёксюз.
- Орну джокъну – сыйы джокъ.
- Кёз – сюйген джерде, къол – ауругъан джерде.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Окъугъанны бети джарыкъ.
- Тёгюлген тюгел джыйылмайды.
- Ашхы сёз таш тешер.
- Ач къарынны, токъ билмез
- Байны оноуу, джарлыгъа джарамаз.
- Кесинге джетмегенни, кёб сёлешме.
- Аман эсирсе, юйюн ояр.
- Тюзлюк тас болмайды.
- Ана къойну – балагъа джандет.
- Арба аугъандан сора, джол кёргюзтюучю кёб болур.
- Айран тёгюлсе, джугъусу къалыр.
- Джыйырма къойну юч джыйырма эбзе кюте эди.
- Ата – билек, ана – джюрек!
- Къыз келсе, джумуш эте келеди, къатын келсе, ушакъ эте келеди.
- Ётюрюкню къуйругъу – бир тутум.
- Элге къуллукъ этмеген, элге ие болмаз.
- Чомарт къолда мал къалмаз.
- Ойнай билмеген, уруб къачар.
- Джан саулукъ бермей, сан саулукъ бермезсе.
Профиль
|
|
|
|||