- Ауузу аманнга «иги», деме.
- Булут кёкге джарашыу, уят бетге джарашыу.
- Дууулдаса – бал чибин, къонса – къара чибин.
- Кийиминг бла танылма, адамлыкъ бла таныл.
- Билеги кючлю, бирни джыгъар, билими кючлю, мингни джыгъар.
- Атынг аманнга чыкъгъандан эсе, джанынг тамагъынгдан чыкъсын.
- Нарт сёз къарт болмаз.
- Аурууну келиую тынч, кетиую – къыйын.
- Сёз къанатсыз учар.
- Хазыр ашха – терен къашыкъ.
- Сабий болмагъан джерде, мёлек болмаз.
- Адеби болмагъан къыз – тузсуз хант.
- Аджашхан тёгерек айланыр.
- Ачылгъан эт джабылыр, кёрген кёз унутмаз.
- Акъылсызны джууукъгъа алма, акъыллыны кенгнге салма.
- Эртде тургъан бла эртде юйленнген сокъуранмаз.
- Ач къарынны, токъ билмез
- Ишлерге уял да, ашаргъа табма.
- Ёлюр джаннга, ёкюл джокъ.
- Бал чибинни ургъаны – ачы, балы – татлы.
- Иги адам абынса да, джангылмаз.
- Къая джолда джортма, ачыкъ сёзден къоркъма.
- Аман къатын сабий табса, бий болур…
- Къонакъ аз олтурур, кёб сынар.
- Эли джокъну – кёлю джокъ.
- Игиге айтсанг – билир, аманнга айтсанг – кюлюр.
- Джарлы тюеге минсе да, ит къабар.
- Рысхы – насыбха къор.
- Аджаллыгъа окъсуз шкок атылыр.
- Кеси юйюмде мен да ханма.
- Джаш къарыу бла кючлю, къарт акъыл бла кючлю.
- Ашына кёре табагъы, балына кёре къалагъы.
- Сёлеш деб шай берген, тохта деб, сом берген.
- Экеулен сёлеше тура эселе, орталарына барыб кирме.
- Ана къойну – балагъа джандет.
- Гитче джилтин уллу элни джандырыр.
- Ата – билек, ана – джюрек!
- Тилде сюек болмаса да, сюек сындырыр.
- Сёз сёзню айтдырыр.
- Танг атмайма десе да, кюн къоярыкъ тюйюлдю.
- Аш берме да, къаш бер.
- Ат басханны джер билед.
- Термилгенинги табмазса, кюлгенинге тюберсе.
- Баш болса, бёрк табылыр.
- Адам боллукъ, атламындан белгили болур.
- Гыдай эчки суугъа къараб, мюйюзле кёрмесе, джашма алкъын, дегенди.
- Бастасын ашагъан, хантусун да ичер.
- Къан бла кирген, джан бла чыгъар.
- Аманны эки битли тону болур, бирин сеннге кийдирир, бирин кеси киер.
- Сескекли кесин билдирир.
Профиль
|
|
|||