- Гырджын – тепсини тамадасы.
- Намысы джокъну – дуниясы джокъ.
- Джырчы джырчыгъа – къарнаш.
- Рысхы – сют юсюнде кёмюк кибикди.
- Къан бла кирген, джан бла чыгъар.
- Къонакъ болсанг, ийнакъ бол.
- Къонакъ аз олтурур, кёб сынар.
- Адам къаллай бир ишленмесе, аллай бир кесин уллу кёреди.
- Кесине оноу эте билмеген, халкъына да эте билмез.
- Ёзденликни джайгъан – джокълукъ.
- Халкъны юйю – туугъан джери.
- Акъылсызны джууукъгъа алма, акъыллыны кенгнге салма.
- Тилчи тилден къаныкъмаз.
- Дуния малгъа сатылма, кесингден телиге къатылма.
- Мухар, кеси тойса да, кёзю тоймаз.
- Чомартны къолу берекет.
- Тюзлюк шохлукъну бегитир.
- Башы джабылгъан челекге, кир тюшмез.
- Ашаса, ашамаса да, бёрюню ауузу – къан.
- Эри аманны, къатыны – аман.
- Билим насыб берир, билим джолну керир.
- Татлы тилде – сёз ариу, чемер къолда – иш ариу.
- Айыбны суу бла джууалмазса.
- Ауузу бла къуш тута айланады.
- Ишин билген, аны сыйын чыгъарады.
- Бетинги сатма, малынгы сат.
- Тик ёргени, тик энгишгеси да болады.
- Айранны сюйген, ийнек тутар.
- Баш – акъыл ючюн, акъылман – халкъ ючюн.
- Джаралыны джастыгъында сау ёлюр.
- Кёб ант этген, кёб ётюрюк айтыр.
- Этек чакъмакълары баш джаргъан, сёлешген сёзлери таш джаргъан.
- Окъуу – билимни ачхычы, окъуу – дунияны бачхычы.
- Кёб къычыргъандан – къоркъма, тынч олтургъандан – къоркъ.
- Кюн – узун, ёмюр – къысха.
- Ариу – кёзге, акъыл – джюрекге.
- Окъумагъан сокъурду, сокъур ташха абыныр!
- Аманнга да, игиге да оноусуз къатышма.
- Кёлю джокъну – джолу джокъ.
- Ачылгъан эт джабылыр, кёрген кёз унутмаз.
- Акъыллы – эл иеси, тели – эл баласы.
- Нёгерсизни джолу узун.
- Хантына кёре тузу, юйюне кёре къызы.
- Арба аугъандан сора, джол кёргюзтюучю кёб болур.
- Чабакъгъа акъыл, табагъа тюшсе келеди.
- Адамны бетине къарама, адетине къара.
- Окъугъанны бети джарыкъ.
- Иги адам абынса да, джангылмаз.
- Нарт сёз – тилни бети.
- Юй кюйдю да, кюйюз чыкъды, ортасындан тюйюш чыкъды.
Профиль
|
|
|
|||