- Къолу уллу – асыу, аягъы уллу – джарсыу.
- Кёзню ачылгъаны – иги, ауузну джабылгъаны – иги.
- Кёбню кёрген – кёб билир.
- Иги адамны бир сёзю эки болмаз.
- Биреуге кёлтюрген таягъынг, кесинги башынга урур.
- Ашда уялгъан – мухар, ишде уялгъан – хомух.
- Керти сёзге тёре джокъ.
- Джарлы тюеге минсе да, ит къабар.
- Чомартха Тейри да борчлуду.
- Эски джаугъа ышанма.
- Алтыда кюлмеген, алтмышда кюлмез.
- Ата – баланы уясы.
- Мени джылытмагъан кюн, меннге тиймесин!
- Сабий кёргенин унутмаз.
- Ашхы сёз таш тешер.
- Этни бети бла шорпасы.
- Адебни адебсизден юрен.
- Гырджын – тепсини тамадасы.
- Рысхы – насыбха къор.
- Уясында не кёрсе, учханында аны этер.
- Байма, деб да, къууанма, джарлыма, деб да, джылама.
- Ашыкъгъанны этеги бутуна чырмалыр.
- Халкъны юйю – туугъан джери.
- Нёгерсизни джолу узун.
- Бозаны арты дауур болур.
- Шайтан алдады, тюзлюк къаргъады.
- Хата – гитчеден.
- Ойнай билмеген, оюн бузар.
- Хаухну атма, ёнгкючню сатма.
- Джюрек кёзден алгъа кёрюр.
- Кесинг сынамагъан затны, адамгъа буюрма.
- Акъыл къартда, джашда тюйюлдю – башдады.
- Суу ичген шауданынга тюкюрме.
- Эрни эр этерик да, къара джер этерик да, тиширыуду.
- Къарыусузгъа кюлме, онгсузгъа тийме.
- Джаш къарыу бла кючлю, къарт акъыл бла кючлю.
- Къайгъыны сюйген, къайгъы табар.
- Агъач халкъгъа алтынды, иссиликге салкъынды.
- Эл элде бирер малынг болгъандан эсе, бирер тенгинг болсун.
- Айырылмаз джууугъунга, унутмаз сёзню айтма.
- Кёз – сюйген джерде, къол – ауругъан джерде.
- Артына баргъанны, къатына барма.
- Ауругъан – джашаудан умутчу.
- Тилчи бир сагъатха айлыкъ хата этер.
- Магъанасыз сёз – тауушсуз сыбызгъы.
- Гитче джилтин уллу элни джандырыр.
- Дуния мал дунияда къалады.
- Бетинги сатма, малынгы сат.
- Уллу айтханны этмеген – уллаймаз.
- Ёлюк кебинсиз къалмаз.
Профиль
|
|
|||