- Джыгъылгъанны сырты джерден тоймаз.
- Таякъ этден ётер, тил сюекден ётер.
- Байлыкъдан саулукъ ашхыды.
- Ашыкъгъанны этеги бутуна чырмалыр.
- Этни бети бла шорпасы.
- Ёмюрлюк шохлукъну джел элтмез.
- Келгинчи, къонакъ уялыр, келгенден сора, къонакъбай уялыр.
- Аман къатын алгъан, арыр, иги къатын алгъан джарыр.
- Мал кёб болса, джууукъ кёб болур.
- Сангырау къулакъ эл бузар.
- Айырылмаз джууугъунга, унутмаз сёзню айтма.
- Башда акъыл болмаса, эки аякъгъа кюч джетер.
- Этек чакъмакълары баш джаргъан, сёлешген сёзлери таш джаргъан.
- Киштикге къанат битсе, чыпчыкъ къалмаз эди.
- Эркишиге тары кебек танг кёрюнюр.
- Кийимни бир кюнню аясанг, минг кюннге джарар.
- Иги болса, тамадама – махтау, аман болса, меннге – айыб.
- Къартха ушагъан джаш – акъыллы, джашха ушагъан къарт – тели.
- Эшекге миннген – биринчи айыб, андан джыгъылгъан – экинчи айыб.
- Кёбню кёрген – кёб билир.
- Тешигини къатында, чычхан да батыр болур.
- Джукъу тёшек сайламайды.
- Иги – алгъыш этер, аман – къаргъыш этер.
- Аманны къуугъан, аманлыкъ табар.
- Бастасын ашагъан, хантусун да ичер.
- Таш ата билмеген, башына урур.
- Ач келгенни – тойдур, кеч келгенни – къондур.
- Адамны сабийин сюйген джюреги, бычакъча, джитиди.
- Игилик игилик бла сингдирилиучю затды.
- Кёзюнде тереги болгъан, чёбю болгъаннга кюле эди.
- Нарт сёз – тилни бети.
- Иги сёз – джаннга азыкъ, аман сёз башха – къазыкъ.
- Билимли ёлмез, билимсиз кёрмез.
- Ата Джуртча джер болмаз, туугъан элча эл болмаз.
- Нёгер болсанг, тенг бол, тенг болмасанг, кенг бол.
- Биреуню тёрюнден, кесинги эшик артынг игиди.
- Уллу суу бла уллу ауруудан башынгы сакъла.
- Ач бёрюге мекям джокъ.
- Ханы къызы буюгъа-буюгъа киштик болду.
- Гугук кесини атын айтыб къычыргъанча, мен, мен деб нек тураса?
- Юй кюйдю да, кюйюз чыкъды, ортасындан тюйюш чыкъды.
- Джашлыкъ этмеген, башлыкъ этмез.
- Бал ашаргъа сюе эсенг, чибин ургъаннга тёз.
- Ишин билген, аны сыйын чыгъарады.
- Дуния малгъа сатылма, кесингден телиге къатылма.
- Адамны бетине къарама, адетине къара.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Эл ауузу – элек, анга ийнаннган – халек.
- Арбаз сайлама да, хоншу сайла.
- Келинин тута билмеген, къул этер, къызын тута билмеген, тул этер.
Профиль
|
|
|||