- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Намысы болмагъанны, сыйы болмаз.
- Элиб деген, элге болушур.
- Билмейме деген – бир сёз
- От кюйдюрген, сау болса да, тот кюйдюрген, сау болмаз.
- Джолунга кёре – джюрюшюнг, джагъанга кёре – юлюшюнг.
- Бети къызарыучу адамны, джюреги харам болмаз.
- Ёлмесенг да, къарт дамы болмазса?
- Уллу сёзде уят джокъ.
- Окъумагъан сокъурду, сокъур ташха абыныр!
- Хаухну атма, ёнгкючню сатма.
- Тау башында, тау болмаз, джангыз терек, бау болмаз.
- Ойнай-ойнай кёз чыгъар.
- Накъырда – кертини келечиси.
- Ариу сёзде ауруу джокъ.
- Иги адамны бир сёзю эки болмаз.
- Мал ёлсе, сюек къалыр, адам ёлсе, иши къалыр.
- Ёпкелегенни ашы татлы болады.
- Бастасын ашагъан, хантусун да ичер.
- Ариу – кёзге, акъыл – джюрекге.
- Ач, тоймам, дейди, тойгъан, ач болмам, дейди.
- Билимден уллу байлыкъ джокъду.
- Ариу сёз аурууунгу алыр.
- Юйлю уругъа ит чабмаз.
- Миллетни бойну – базыкъ, аны бла кюрешген – джазыкъ.
- Тюзлюк тас болмайды.
- Эшекге миннген – биринчи айыб, андан джыгъылгъан – экинчи айыб.
- Джиби бир къат джетмей эди да, эки къат тарта эди.
- Тенгинг джокъ эсе – изле, бар эсе – сакъла!
- Ач къалгъандан, кеч къалгъан къолай.
- Мал тутхан – май джалар.
- Адеб этмеген, адеб кёрмез.
- Юйюнгден чыкъдынг – кюнюнгден чыкъдынг.
- Эр абынмай, эл танымаз.
- Айранны сюйген, ийнек тутар.
- Байдан умут эте, джарлыдан ёгюз багъасы къорады.
- Джарашыу сюйген – джалынчакъ.
- Къонакъ аман болса, къонакъбай джунчур
- Адам туугъан джеринде, ит тойгъан джеринде.
- Иги джашны ышаны – аз сёлешиб, кёб тынгылар.
- Эки элинги тыйсанг, джети элде махталырса.
- Асхат ашлыкъ сата, юйдегиси ачдан къата.
- Сескекли кесин билдирир.
- Урама да – ёледи, сатама да – келеди.
- Кёпюр салгъан кеси ётер, уру къазгъан кеси кетер.
- Къонагъынгы артмагъын алма да, алгъышын ал.
- Телиге акъыл салгъандан эсе, ёлгеннге джан салырса.
- Тойгъа алгъа да барма, тойда артха да къалма.
- Борчунг бар эсе, хурджунунга ойлаб узал.
- Алма терегинден кери кетмез.
Профиль
|
|
|||