- Татлы сёз – балдан татлы.
- Окъугъан – асыу, окъумагъан – джарсыу.
- Хоншуну тауугъу къаз кёрюнюр, келини къыз кёрюнюр.
- Рысхы – насыбха къор.
- Адам боллукъ, атламындан белгили болур.
- Тил – кесген бычакъ, сёз – атылгъан окъ.
- Къонакъ аз олтурур, кёб сынар.
- Тил джюрекге джол ишлейди.
- Рысхысына кёре, джаш ёсер, къышлыгъына кёре, мал ёсер.
- Нёгерсизни джолу узун.
- Урунуу – насыбны анасы.
- Онгсузну – джакъла, тенгликни – сакъла.
- Ачлыкъда тары гырджын халыуадан татлы.
- Билими азны – ауузунда кирит.
- Керилген да, ургъан кибикди.
- Биреуге кёлтюрген таягъынг, кесинги башынга урур.
- Ёзденликни кёбю ётюрюк.
- Ишге юренсин къоллары, халкъ бла болсун джоллары.
- Къазанда болса, чолпугъа чыгъар.
- Биреуню къыйынлыгъы бла кесинге джол ишлеме.
- Адам къыйынлыгъын кёлтюрюр, зауукълугъун кёлтюрмез.
- Тойгъанлыкъ къойгъа джарашады.
- Таукел къуру къалмаз.
- Уллу сёлешме да, уллу къаб.
- Адамгъа аман кюн соруб келмейди.
- Термилгенинги табмазса, кюлгенинге тюберсе.
- Тура эдим джата, къайдан чыкъды хата?
- Сютню башын джалагъан къутулур, тюбюн ичген тутулур.
- Аман адамны тепсинге олтуртсанг, къызынгы тилер.
- Адамны сабийин сюйген джюреги, бычакъча, джитиди.
- Ариу сёз аурууунгу алыр.
- Тойгъан антын унутур.
- Ашха уста, юйюнде болсун
- Чакъырылмай келген къонакъ сыйланмай кетер.
- Чомартны къолу берекет.
- Акъыл сабырлыкъ берир.
- Алтыннга тот къонмаз.
- Тилчи бир сагъатха айлыкъ хата этер.
- Тёрдеги кюлсе, эшикдеги ышарыр.
- Джахил болса анасы, не билликди баласы?
- Булут кёкге джарашыу, уят бетге джарашыу.
- Къаллай салам берсенг, аллай джууаб алырса.
- Байлыкъдан саулукъ ашхыды.
- Байлыкъ тауусулур, билим тауусулмаз.
- Ач къарынны, токъ билмез
- Келинин тута билмеген, къул этер, къызын тута билмеген, тул этер.
- Кёбден умут этиб, аздан къуру къалма.
- Биреуню тёрюнден, кесинги эшик артынг игиди.
- Босагъагъа джууукъ орун болса, ашыгъыб тёрге озма.
- Телиге от эт десенг, юйюнге от салыр.
Профиль
|
|
|
|||