- Бир онгсуз адам адет чыгъарды, деб эштирик тюлсе.
- Къайгъы тюбю – тенгиз.
- Къонакъ аз олтурур, кёб сынар.
- Къарнынг къанлынга кийирир.
- Минг тенг да азды, бир джау да кёбдю.
- Аш берме да, къаш бер.
- Къатын къылыкъсыз, эр тынчлыкъсыз.
- Кёб ант этген, кёб ётюрюк айтыр.
- Керек ташны ауурлугъу джокъ.
- Чомарт къонакъ юй иесин сыйлар.
- Кеси юйюмде мен да ханма.
- Ач уят къоймаз.
- Ургъан суудан башынгы сакъла.
- Къонакъ аман болса, къонакъбай джунчур
- Ашын ашагъанынгы, башын да сыйла.
- Этни бети бла шорпасы.
- Джюрекге ариу – кёзге да ариу.
- Къолу уллу – асыу, аягъы уллу – джарсыу.
- Адам сёзге тынгыла, акъыл сёзню ангыла.
- Тамырсыз терекге таянма – джыгъылырса.
- Сыфатында болмагъаны, суратында болмаз.
- Артына баргъанны, къатына барма.
- Байны оноуу, джарлыгъа джарамаз.
- Джарлыны тону джаз битер.
- Огъурлуну сёзю – суу, огъурсузну сёзю – уу.
- Узун джолну барсанг, бюгюн келирсе, къысха джолну барсанг, тамбла келирсе.
- Джашда акъыл джокъ, къартда къарыу джокъ.
- Ачлыкъ отха секиртир.
- Хазыр ашха – терен къашыкъ.
- Ойнаб айтсанг да, эслеб айт.
- Джерни букъусу кёкге къонмаз.
- Тенгинг джокъ эсе – изле, бар эсе – сакъла!
- Мени джылытмагъан кюн, меннге тиймесин!
- Хатерли къул болур.
- Чакъырылгъанны аты, чакъырылмагъанны багъасы болур.
- Джаш болсун, къыз болсун, акъылы, саны тюз болсун.
- Къалгъан ишге къар джауар.
- Ач къарынны, токъ билмез
- Урама да – ёледи, сатама да – келеди.
- Айтхан – тынч, этген – къыйын.
- Адамны сыфатына къарама, сёзюне къара.
- Сютню башын джалагъан къутулур, тюбюн ичген тутулур.
- Намысы болмагъанны, сыйы болмаз.
- Ишлегенде эринме, ишде чолакъ кёрюнме.
- Ёнгкюч къууана барыр, джылай келир.
- Ишлемеген – тишлемез.
- Окъуу – билимни ачхычы, окъуу – дунияны бачхычы.
- Ёзденликни джайгъан – джокълукъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ауругъан – джашаудан умутчу.
Профиль
|
|
|||