- Ёлюр джаннга, ёкюл джокъ.
- Иги джашны ышаны – аз сёлешиб, кёб тынгылар.
- Уллу къашыкъ эрин джыртар.
- Ишленмеклик адамлыкъды.
- Аджашханны ызындагъы кёреди, джангылгъанны джанындагъы биледи.
- Къая джолда джортма, ачыкъ сёзден къоркъма.
- Чакъырылмагъан къонакъ тёрге атламаз.
- Джаш болсун, къыз болсун, акъылы, саны тюз болсун.
- Аджаллыгъа окъсуз шкок атылыр.
- Тойгъан антын унутур.
- Ауузу бла къуш тута айланады.
- Окъумагъан сокъурду, сокъур ташха абыныр!
- Суугъа – таянма, джаугъа – ийнанма.
- Тил – кесген бычакъ, сёз – атылгъан окъ.
- Эртде тургъан джылкъычыны эркек аты тай табар.
- Байны къызы баймакъ болса да, юйде къалмаз!
- Байдан умут эте, джарлыдан ёгюз багъасы къорады.
- Хар зат кесини орнуна иги.
- Аман адам этегингден тутса, кес да къач.
- Дууулдаса – бал чибин, къонса – къара чибин.
- Аджал соруб келмез, келсе, къайтыб кетмез.
- Эрни эр этерик да, къара джер этерик да, тиширыуду.
- Айтылгъан сёз ызына къайтмаз.
- Билим ат болуб да чабар, къуш болуб да учар.
- Орундукъ тюбюнде атылсам да, орта джиликме, де да айлан.
- Эркиши – от, тиширыу – суу.
- Байлыкъ келсе, акъыл кетер.
- Къонакъ кёб келюучю юйню, къазаны отдан тюшмез.
- Бет бетге къараса, бет да джерге къарар.
- Кесинге джетмегенни, кёб сёлешме.
- Джол бла сёзню къыйыры джокъ.
- Эрине къаргъыш этген къатын, эрнин къабар.
- Адебсиз адам – джюгенсиз ат.
- Акъыл неден да кючлюдю.
- Къыйынлы джети элге оноу этер.
- Уясында не кёрсе, учханында аны этер.
- Тешик этген тынчды, аны джамагъан къыйынды.
- Билгенни къолу къарны джандырыр.
- Эте билген, этген этеди, эте билмеген, юретген этеди!
- Хаухну атма, ёнгкючню сатма.
- Накъырданы арты керти болур.
- Аман киши кеси юйюнде – къонакъ.
- Джаханимни кёрмей, джандетге кёл салмазса.
- Босагъа таш юйге кирмей эди, тыбыр таш эшикге чыкъмай эди.
- Сабий кёргенин унутмаз.
- Къазанны башы ачыкъ болса, итге уят керекди.
- Тамырсыз терекге таянма – джыгъылырса.
- Джангыз терек къынгыр ёсер.
- Элиб деген, элге болушур.
- Илму – джашауну джолу.
Профиль
|
|
|||