- Чомарт бергенин айтмаз.
- Джол бла сёзню къыйыры джокъ.
- Биреу ашаб къутулур, биреу джалаб тутулур.
- Ичимден чыкъды хата, къайры барайым сата?
- Эртде тургъан джылкъычыны эркек аты тай табар.
- Сакъалы текени да бар, мыйыгъы киштикни да бар.
- Аууздан келген, къолдан келсе, ким да патчах болур эди.
- Борчунг бар эсе, хурджунунга ойлаб узал.
- Адеби болмагъан къыз – тузсуз хант.
- Ашха уста, юйюнде болсун
- Эр абынмай, эл танымаз.
- Адам сёзге тынгыла, акъыл сёзню ангыла.
- Тиширыусуз юй – отсуз от джагъа.
- Ана – юйню кюн джарыгъы.
- Къонакъ хазыр болгъанлыкъгъа, къонакъбай хазыр тюлдю.
- Тыш элде солтан болгъандан эсе, кесинги элде олтан болгъан игиди!
- Аман къатын сабий табса, бий болур…
- Ашхы атаны – джашы ашхы, ашхы ананы – къызы ашхы.
- Байлыкъ адамны сокъур этер.
- Къонагъы джокъну – шоху джокъ.
- Чыкълы кюнде чыкъмагъан, чыкъса къуру кирмеген.
- Сёз къанатсыз учар.
- Бет бетге къараса, бет да джерге къарар.
- Магъанасыз сёз – тауушсуз сыбызгъы.
- Ашын ашагъанынгы, башын да сыйла.
- Аш хазыр болса, иш харам болур.
- Гугурук къычырмаса да, тангны атары къалмаз.
- Айраннга суу къош, телиге джол бош.
- Аман къатын алгъан, арыр, иги къатын алгъан джарыр.
- Къошда джокъгъа – юлюш джокъ.
- Чомартны къолун джокълукъ байлар.
- Къайгъыны сюйген, къайгъы табар.
- Бир абыннган – минг сюрюнюр.
- Аллахха ийнаннган кишини, Аллах онгдурур ишин.
- Махтаннган къыз, тойда джукълар.
- Иги сеники эсе да, сюйген кесимикин этеме.
- Ёлген эшек бёрюден къоркъмайды.
- Кёбге таш атма.
- Эринчекни аурууу – кёб.
- Эки ойлашыб, бир сёлешген.
- Иги – алгъыш этер, аман – къаргъыш этер.
- Мадар болса, къадар болур.
- Мени джылытмагъан кюн, меннге тиймесин!
- Ишге юренсин къоллары, халкъ бла болсун джоллары.
- Джолда аягъынга сакъ бол, ушакъда тилинге сакъ бол.
- Орундукъ тюбюнде атылсам да, орта джиликме, де да айлан.
- Акъыл къартда, джашда тюйюлдю – башдады.
- Дженгил джетерикме деб, узун джолну къоюб, къысхасын барма.
- Ашлыкъ – бюртюкден, джюн – тюкден.
- Ётюрюкню къуйругъу – бир тутум.
Профиль
|
|
|
|||