- Байлыкъ болгъан джерде, тынчлыкъ джокъду.
- Таукел адам тау тешер.
- Ашлыкъны арба юйге келтирир, чана базаргъа элтир.
- Ач бёрюге мекям джокъ.
- Ата Джуртча джер болмаз, туугъан элча эл болмаз.
- Кенгеш болса, уруш болмаз.
- Джангызны оту джарыкъ джанмаз!
- Сормай – алма, чакъырылмай – барма.
- Чакъырылмагъан къонакъ – орунсуз.
- Бойнуму джети джерден кессенг да, мен ол ишни этеллик тюлме.
- Тыш элде солтан болгъандан эсе, кесинги элде олтан болгъан игиди!
- Мухарны эси – ашарыкъда.
- Байлыкъ адамны сокъур этер.
- Ичимден чыкъды хата, къайры барайым сата?
- Джуртун къоругъан озар.
- Шапа кёб болса, аш татымсыз болур.
- Нафысынгы айтханын этме, намысынгы айтханын эт.
- Ашатыргъа иш – ашхы, ишлетирге аш – ашхы.
- Аман киши кеси юйюнде – къонакъ.
- Аман адам элни бир-бирине джау этер.
- Олтуруб кёрюнмей эди да, ёрге туруб кёрюне эди.
- Къазанчы аман болса, къазаны къайнамаз.
- От кюйдюрген, сау болса да, тот кюйдюрген, сау болмаз.
- Байдан умут эте, джарлыдан ёгюз багъасы къорады.
- Джашда акъыл джокъ, къартда къарыу джокъ.
- Иги – алгъыш этер, аман – къаргъыш этер.
- Аллахха ийнаннган кишини, Аллах онгдурур ишин.
- Иги адам абынса да, джангылмаз.
- Кюн – узун, ёмюр – къысха.
- Къонакъ аман болса, къонакъбай джунчур
- Аманнга алтын чыдамаз.
- Акъыл бла адеб эгизледиле.
- Эл бла кёргенинг эрелей.
- Элиб деген, элге болушур.
- Элни кючю – эмеген.
- Мени джылытмагъан кюн, меннге тиймесин!
- Тынгылагъан тынгы бузар.
- Эркишиге тары кебек танг кёрюнюр.
- Зарда марда джокъ.
- Адам къыйынлыгъын кёлтюрюр, зауукълугъун кёлтюрмез.
- Сабийни джумушха джибер да, ызындан бар.
- Аякъларынгы джууургъанынга кёре узат.
- Бир абыннган – минг сюрюнюр.
- Аз айтсам, кёб ангылагъыз.
- Нарт сёз къарт болмаз.
- Акъыллы башны – тили къысха.
- Аманнга игилик этсенг, юйюнге сау бармазса.
- Джырчы джырчыгъа – къарнаш.
- Кийимни бир кюнню аясанг, минг кюннге джарар.
- Ёлген аслан – сау чычхан.
Профиль
|
|
|
|||