- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ёзденликни джайгъан – джокълукъ.
- Шекер бла туз – бир болмаз, ушамагъан – юй болмаз.
- Кесине гебен этелмеген, биреуге черен эте эди.
- Окъуу – билимни ачхычы, окъуу – дунияны бачхычы.
- Тилчи тилден къаныкъмаз.
- Къобан да къуру да къобханлай турмайды, адам да къуру да патчахлай турмайды.
- Джеринден айырылгъан – джети джылар, джуртундан айырылгъан – ёлгюнчю джылар.
- Гырджын – тепсини тамадасы.
- Ашхы – джыяр, аман – джояр.
- Къолунгдан къуймакъ ашатсанг да, атаны борчундан къутулмазса.
- Ашха уста, юйюнде болсун
- Аман къатын сабий табса, бий болур…
- Ариу – кёзге, акъыл – джюрекге.
- Ауругъаннга – кийик саулукъ, джетген къызгъа – чилле джаулукъ.
- Ариу джол аджал келтирмез.
- Биреу ашаб къутулур, биреу джалаб тутулур.
- Кёкдеги болмаса, джердегин кёрмейди.
- Эли джокъну – кёлю джокъ.
- Джерни букъусу кёкге къонмаз.
- Урама да – ёледи, сатама да – келеди.
- Алгъанда – джууукъ, бергенде – джау.
- Акъылсызны джууукъгъа алма, акъыллыны кенгнге салма.
- Чомарт къонакъ юй иесин сыйлар.
- Айтылгъан буйрукъ, сёгюлмез
- Кийиминг бла танылма, адамлыкъ бла таныл.
- Къарын къуру болса, джюрек уру болур.
- Кёб джат да, бек чаб.
- Кёб джашагъан – кёб билир.
- Адамны адамлыгъы къыйынлыкъда айгъакъланады.
- Ашхы адам – халкъ байлыгъы, ашхы джер – джашау байлыгъы.
- Аман къатын алгъан, арыр, иги къатын алгъан джарыр.
- Байны оноуу, джарлыгъа джарамаз.
- Къаллай салам берсенг, аллай джууаб алырса.
- Бетинги сатма, малынгы сат.
- Ашыкъгъанны этеги бутуна чырмалыр.
- Айтылгъан сёз ызына къайтмаз.
- Ётюрюкден тюбю джокъ, кёлтюрюрге джиби джокъ.
- Кесинге джетмегенни, кёб сёлешме.
- Аджашханны ызындагъы кёреди, джангылгъанны джанындагъы биледи.
- Алтыда кюлмеген, алтмышда кюлмез.
- Аш хазыр болса, иш харам болур.
- «Ёгюз, джаргъа джууукъ барма, меннге джюк боллукъса», - дегенди эшек.
- Кирсизни – саны таза, халалны – къаны таза.
- Джылкъыдан – ат чыгъар, тукъумдан – джаш чыгъар.
- Окъ къызбайны джокълайды.
- Эл бла кёргенинг эрелей.
- Эски джаугъа ышанма.
- Аджашхан тёгерек айланыр.
- Тойну къарнашы – харс, джырны къарнашы – эжиу.
Профиль
|
|
|
|||