- Чакъырылгъанны аты, чакъырылмагъанны багъасы болур.
- Айтылгъан сёз ызына къайтмаз.
- Тойчу джашха къарама, къойчу джашха къара.
- Кийимни бир кюнню аясанг, минг кюннге джарар.
- Айранын берсенг, челегин да къызгъанма.
- Къонакъ кёб келюучю юйню, къазаны отдан тюшмез.
- Къонакъ аз олтурур, кёб сынар.
- Бек анасы джыламаз.
- Кенгеш болса, уруш болмаз.
- Къулакъдан эсе, кёзге ышан.
- Таякъ этден ётер, тил сюекден ётер.
- Кесинг сынамагъан затны, адамгъа буюрма.
- Къошда джокъгъа – юлюш джокъ.
- Сёз – кюмюш, джыр – алтын.
- Ауузу аманнга «иги», деме.
- Кечеси – аяз, кюню – къыш, джарлы къаргъагъа бир аш тюш!
- Аякъларынгы джууургъанынга кёре узат.
- Къызын тута билмеген, тул этер, джашын тута билмеген, къул этер.
- Джаш болсун, къыз болсун, акъылы, саны тюз болсун.
- Ана къойну – балагъа джандет.
- Бойнуму джети джерден кессенг да, мен ол ишни этеллик тюлме.
- Ачыу алгъа келсе, акъыл артха къалады.
- Уруну арты – къуру.
- Мал тутхан – май джалар.
- Суу ичген шауданынга тюкюрме.
- Къумурсхала джыйылсала, пилни да джыгъадыла.
- Кеси юйюмде мен да ханма.
- Къарны аманнга къазан такъдырма, къолу аманнга от джакъдырма.
- Сабийни джумушха джибер да, ызындан бар.
- Кёб джашагъан – кёб билир.
- Тик ёргени, тик энгишгеси да болады.
- Тюзлюк тас болмайды.
- Тюзлюк шохлукъну бегитир.
- Сагъышы джокъ – джукъучу, акъылы джокъ – къаугъачы.
- Бети къызарыучу адамны, джюреги харам болмаз.
- Киштикге къанат битсе, чыпчыкъ къалмаз эди.
- Кёбден умут этиб, аздан къуру къалма.
- Ёксюзню тилеги къабыл болур.
- Артына баргъанны, къатына барма.
- Азыгъы аз, алгъа къабар, аты аман, алгъа чабар.
- Чомарт джарлы болмаз.
- Керти сёзге тёре джокъ.
- Тойгъан джерге джети къайт.
- Чомарт къонакъ юй иесин сыйлар.
- Джогъун бар этген, барын бал этген.
- Чакъырылмагъан джерге барма, чакъырылгъан джерден къалма.
- Ач – эснер, ат – кишнер.
- Ачны эсинде – аш.
- Хар ишни да аллы къыйынды.
- Аш хазыр болса, иш харам болур.
Профиль
|
|
|||