- Ишни ахырын ойламай, аллын башлама.
- Адамны адамлыгъы къыйынлыкъда айгъакъланады.
- Ат да турмайды бир териде.
- Ач къарынны, токъ билмез
- Мен да «сен», дейме, сен да «кесим», дейсе.
- Телиге от эт десенг, юйюнге от салыр.
- Ханнга да келеди хариблик.
- Кесине оноу эте билмеген, халкъына да эте билмез.
- Сёз сёзню айтдырыр.
- Джаз бир кюнню джатсанг, къыш талай кюнню абынырса.
- Соргъан айыб тюлдю, билмеген айыбды.
- Башда акъыл болмаса, эки аякъгъа кюч джетер.
- Кёзню ачылгъаны – иги, ауузну джабылгъаны – иги.
- Джарашыу сюйген – джалынчакъ.
- Джарлыны эшигин махтагъан джабар.
- Агъач халкъгъа алтынды, иссиликге салкъынды.
- Башы джабылгъан челекге, кир тюшмез.
- Ашхы адам – халкъ байлыгъы, ашхы джер – джашау байлыгъы.
- Адамны артындан къара сабан сюрме.
- Татлы сёз – балдан татлы.
- Иесиз малны бёрю ашар.
- Юйюнг бла джау болгъандан эсе, элинг бла джау бол.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ачылгъан эт джабылыр, кёрген кёз унутмаз.
- Къобан да къуру да къобханлай турмайды, адам да къуру да патчахлай турмайды.
- Ауругъан – джашаудан умутчу.
- «Ма», - дегенни билмесенг, «бер», - дегенни билмезсе.
- Акъыллы айтыр эди, акъылсыз къоймайды.
- Ашхылыкъ джерде джатмайды, аманлыкъ суугъа батмайды.
- Баланы адам этген анады.
- Дженгил джетерикме деб, узун джолну къоюб, къысхасын барма.
- Джыланны къуйругъундан басарынг келсе, аны башы болгъанын унутма.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ёлген аслан – сау чычхан.
- Кечеси – аяз, кюню – къыш, джарлы къаргъагъа бир аш тюш!
- Тенги кёбню джау алмаз, акъылы кёбню дау алмаз.
- Суугъа – таянма, джаугъа – ийнанма.
- Айран тёгюлсе, джугъусу къалыр.
- Айтылгъан сёз ызына къайтмаз.
- Чомартха Тейри да борчлуду.
- Тенгинг джокъ эсе – изле, бар эсе – сакъла!
- Тёгюлген тюгел джыйылмайды.
- Экиндини кеч къылсанг, чабыб джетер ашхам.
- Чакъырылмагъан къонакъ къачан кетерин сормаз.
- Ишленмеген джаш – джюгенсиз ат, ишленмеген къыз – тузсуз хант.
- Къуру гыбыт бек дыгъырдар.
- Насыб бютеу халкъны юлюшюдю.
- Джумушакъ сёз къаты таякъны сындырыр.
- Айныгъанлы алты кюн, тогъайгъанлы тогъуз кюн.
- Сакъалы текени да бар, мыйыгъы киштикни да бар.
Профиль
|
|
|
|||