- Арпа, будай – ащды, алтын, кюмюш а – ташды.
- Дууулдаса – бал чибин, къонса – къара чибин.
- Джукъу тёшек сайламайды.
- Сёз – кюмюш, джыр – алтын.
- Мураты болгъанны джюрек тебюую башхады.
- Адеб базарда сатылмаз.
- Тюзлюк тас болмайды.
- Алтыда кюлмеген, алтмышда кюлмез.
- Таякъ этден ётер, тил сюекден ётер.
- Айтылгъан сёз ызына къайтмаз.
- Ариу сёз – къылычдан джити.
- Кёпюр салгъан кеси ётер, уру къазгъан кеси кетер.
- Аман адам этегингден тутса, кес да къач.
- Чомарт джарлы болмаз.
- Уясында не кёрсе, учханында аны этер.
- Тёзгеннге, джабылгъан эшик ачылыр.
- Адеб джокъда, намыс джокъ.
- Ач къарынны, токъ билмез
- Къарнынг тойгъунчу аша да, белинг талгъынчы ишле.
- Билимсиз иш бармаз.
- Эртде тургъан джылкъычыны эркек аты тай табар.
- Хоншуну тауугъу къаз кёрюнюр, келини къыз кёрюнюр.
- Чомартны къолу берекет.
- Окъуусуз билим – джокъ, билимсиз кюнюнг – джокъ.
- Таш бла ургъанны, аш бла ур.
- Хантына кёре тузу, юйюне кёре къызы.
- Тойгъан джерге джети къайт.
- Босагъагъа джууукъ орун болса, ашыгъыб тёрге озма.
- Кёб джашагъан – кёб билир.
- Ашхы атаны – джашы ашхы, ашхы ананы – къызы ашхы.
- Чомартха хар кюн да байрамды.
- Байлыкъ адамны сокъур этер.
- Этни бети бла шорпасы.
- Юй ишлеген балта эшикде къалыр.
- Адам сёзюнден белгили.
- Халкъны юйю – туугъан джери.
- Къалгъан ишге къар джауар.
- Этим кетсе да, сюегим къалыр.
- Ашарыкъда сайлагъаннга – чий гырджын.
- Мал тутхан – май джалар.
- Тас болгъан бычакъны сабы – алтын.
- Адамны джюреги нени кёрюрге сюйсе, кёзю да аны кёрюрге ёч болады.
- Кёзюнде тереги болгъан, чёбю болгъаннга кюле эди.
- Джыгъылгъанны сырты джерден тоймаз.
- Ач да бол, токъ да бол – намысынга бек бол.
- Сабыр джетер муратха, сабырсыз къалыр уятха.
- Кёз – сюйген джерде, къол – ауругъан джерде.
- Къонакъ болсанг, ийнакъ бол.
- Чыкълы кюнде чыкъмагъан, чыкъса къуру кирмеген.
- Эл ауузу – элия.
Профиль
|
|
|
|||