- Айранын берсенг, челегин да къызгъанма.
- Джети тилни билген джети кишиди.
- Сакъ юйюне сау барыр.
- Киштикге къанат битсе, чыпчыкъ къалмаз эди.
- Терек ауса, отунчу – кёб.
- Ата Джуртча джер болмаз, туугъан элча эл болмаз.
- Чакъырылмагъан къонакъ къачан кетерин сормаз.
- Башда акъыл болмаса, эки аякъгъа кюч джетер.
- Къыз тиширыу кеси юйюнде да къонакъды.
- Азыкъ аз болса, эртде орун сал.
- Ат да турмайды бир териде.
- Тёзгеннге, джабылгъан эшик ачылыр.
- Сютден ауузу кюйген, суугъа юфгюре эди.
- Джаралыны джастыгъында сау ёлюр.
- Орундукъ тюбюнде атылсам да, орта джиликме, де да айлан.
- Сёз – кюмюш, джыр – алтын.
- Терслик кетер, тюзлюк джетер.
- Ачыу алгъа келсе, акъыл артха къалады.
- Ашхы – джыяр, аман – джояр.
- Тюз сёз баргъан сууну тыяр.
- Ачыкъ джюрекге джол – ачыкъ.
- Тюзлюк тас болмайды.
- Кёбден умут этиб, аздан къуру къалма.
- Чакъырылмай келген къонакъ сыйланмай кетер.
- Эллинг бла джау болсанг да, юйюнг бла джау болма.
- Тамбла алтындан бюгюн багъыр ашхы.
- Эм ашхы къайын ана мамукъ бла башынгы тешер.
- Алтыда кюлмеген, алтмышда кюлмез.
- Бойнуму джети джерден кессенг да, мен ол ишни этеллик тюлме.
- Байма, деб да, къууанма, джарлыма, деб да, джылама.
- Бир онгсуз адам адет чыгъарды, деб эштирик тюлсе.
- Ойнай-ойнай кёз чыгъар.
- Гугурук къычырмаса да, тангны атары къалмаз.
- Ач къарынны, токъ билмез
- Экеу тутушса, биреу джыгъылыр.
- Башынга джетмегенни сорма.
- Къонакъны къачан кетерин сорма, къачан келлигин сор.
- Тёрени джагъы джокъ.
- Ётюрюкден тюбю джокъ, кёлтюрюрге джиби джокъ.
- Тюзлюк шохлукъну бегитир.
- Ауузу аманнга «иги», деме.
- Сакъламагъан затынга джолукъсанг, не бек къууанаса, не бек ачыйса.
- Айырылгъанланы айю ашар, бёлюннгенлени бёрю ашар.
- Тилсиз миллет джокъ болур.
- Ана къойну – балагъа джандет.
- Аякъларынгы джууургъанынга кёре узат.
- Ким бла джюрюсенг, аны кёзю бла кёрюнюрсе.
- Элде адам къалмаса, ит тахтагъа минер.
- Мени джылытмагъан кюн, меннге тиймесин!
- Алим болгъандан эсе, адам болгъан къыйынды.
Профиль
|
|
|
|||