- Джангыз терек къынгыр ёсер.
- Орну джокъну – сыйы джокъ.
- Джолда аягъынга сакъ бол, ушакъда тилинге сакъ бол.
- Этни да ашады, бетни да ашады.
- Ишленмеклик адамлыкъды.
- Ашхы атаны – джашы ашхы, ашхы ананы – къызы ашхы.
- Эски джаугъа ышанма.
- Тели турса – той бузар.
- Джашда акъыл джокъ, къартда къарыу джокъ.
- Чакъырылмагъан къонакъ тёрге атламаз.
- Аманны къуугъан, аманлыкъ табар.
- Бозаны арты дауур болур.
- Къарт бла баш аша, джаш бла аякъ аша.
- Мухар, кеси тойса да, кёзю тоймаз.
- От этилмеген джерден тютюн чыкъмайды.
- Билим ат болуб да чабар, къуш болуб да учар.
- Юйюнг бла джау болгъандан эсе, элинг бла джау бол.
- Ата – билек, ана – джюрек!
- Окъ къызбайны джокълайды.
- Айранны сюйген, ийнек тутар.
- Акъыл къартда, джашда тюйюлдю – башдады.
- Чомарт бергенин айтмаз.
- Сормай – алма, чакъырылмай – барма.
- Таугъа чыгъаллыкъ эсенг, тюзде къалма.
- Аман хансны – урлугъу кёб.
- Нафысынгы айтханын этме, намысынгы айтханын эт.
- Элни кючю – эмеген.
- Джылыгъа джылан илешир.
- Кийим тукъум сордурур.
- Бермеген къол, алмайды.
- Джыланны къуйругъундан басарынг келсе, аны башы болгъанын унутма.
- Кёзю сокъурдан – къоркъма, кёлю сокъурдан – къоркъ.
- Татлы сёз – балдан татлы.
- Ауузу бла къуш тута айланады.
- Ишлерге уял да, ашаргъа табма.
- Къулакъдан эсе, кёзге ышан.
- Биреуню тёрюнден, кесинги эшик артынг игиди.
- Сабий кёргенин унутмаз.
- Магъанасыз сёз – тауушсуз сыбызгъы.
- Ат да турмайды бир териде.
- Шекер бла туз – бир болмаз, ушамагъан – юй болмаз.
- Айырылгъанланы айю ашар, бёлюннгенлени бёрю ашар.
- Бир онгсуз адам адет чыгъарды, деб эштирик тюлсе.
- Эл тойса, тоймагъан, эл къойса, къоймагъан.
- Къызгъанчдан ычхыныр, мухардан ычхынмаз.
- Гырджын – тепсини тамадасы.
- Джюрек кёзден алгъа кёрюр.
- Джашынгы кесинг юретмесенг, джашау юретир.
- Ойнай билмеген, уруб къачар.
- Юй ишлеген балта эшикде къалыр.
Профиль
|
Mihan
 Эльбрусоид
Баллов: 0
Регистрация: 24.09.2015
Последний визит: 24.09.2015 22:03:22
|
|
||||||
|
|
|
||||||