- Сакъламагъан затынга джолукъсанг, не бек къууанаса, не бек ачыйса.
- Ашха уста, юйюнде болсун
- Биреуге аманлыкъны тилеме да, кесинге ашхылыкъны тиле.
- Атынг аманнга чыкъгъандан эсе, джанынг тамагъынгдан чыкъсын.
- Кёкдеги болмаса, джердегин кёрмейди.
- Джаш къарыу бла кючлю, къарт акъыл бла кючлю.
- Экеу тутушса, биреу джыгъылыр.
- Кёпюр салгъан кеси ётер, уру къазгъан кеси кетер.
- Адеби болмагъан къыз – тузсуз хант.
- Адам сёзюнден белгили.
- Къатын байлыкъны сюер, эр саулукъну сюер.
- Аман эсирсе, юйюн ояр.
- Къарын къуру болса, джюрек уру болур.
- Адебсиз адам – джюгенсиз ат.
- Ёлген ийнек сютлю болур.
- Ишлемеген – тишлемез.
- Ата джурт – алтын бешик.
- Окъугъанны бети джарыкъ.
- Накъырда – кертини келечиси.
- Ашын ашагъанынгы, башын да сыйла.
- Къыз келсе, джумуш эте келеди, къатын келсе, ушакъ эте келеди.
- Огъурлуну сёзю – суу, огъурсузну сёзю – уу.
- Тилчи тилден къаныкъмаз.
- Ашатыргъа иш – ашхы, ишлетирге аш – ашхы.
- Аджашханны ызындагъы кёреди, джангылгъанны джанындагъы биледи.
- Ашарыкъда сайлагъаннга – чий гырджын.
- Джолунга кёре – джюрюшюнг, джагъанга кёре – юлюшюнг.
- Эки итни арасына сюек атма, эки адамны арасында сёз чыгъарма.
- Айран тёгюлсе, джугъусу къалыр.
- Къулакъдан эсе, кёзге ышан.
- Джаханимни кёрмей, джандетге кёл салмазса.
- Къарт айтханны этмеген, къартаймаз.
- Тамчы таш тешер.
- Ургъан суудан башынгы сакъла.
- Ёнгкюч къууана барыр, джылай келир.
- Алма терегинден кери кетмез.
- Эл ауузу – элек, анга ийнаннган – халек.
- Хар ишни да аллы къыйынды.
- Ёгюзню мюйюзюнден тутадыла, адамны сёзюнден тутадыла.
- Аманнга да, игиге да оноусуз къатышма.
- Телини эшигин, махтау джабар.
- Мал тутхан – май джалар.
- Киштикге къанат битсе, чыпчыкъ къалмаз эди.
- Ётюрюкню башын керти кесер.
- Хар сёзню орну барды.
- Аурууну келиую тынч, кетиую – къыйын.
- Орундукъ тюбюнде атылсам да, орта джиликме, де да айлан.
- Эки элинги тыйсанг, джети элде махталырса.
- Джылкъыдан – ат чыгъар, тукъумдан – джаш чыгъар.
- Билим – акъылны чырагъы.
Профиль
|
|
|
|||