- Ишин билген, аны сыйын чыгъарады.
- Ханнга да келеди хариблик.
- Адам сёзге тынгыла, акъыл сёзню ангыла.
- Кюн кёрмеген, кюн кёрсе, кюндюз чыракъ джандырыр.
- Ариу джол аджал келтирмез.
- Айран тёгюлсе, джугъусу къалыр.
- Игилик игилик бла сингдирилиучю затды.
- Мен да «сен», дейме, сен да «кесим», дейсе.
- Ёксюзню тилеги къабыл болур.
- Алтыннга тот къонмаз.
- Ётюрюкню башын керти кесер.
- Айран ичген – къутулду, джугъусун джалагъан – тутулду.
- Эки итни арасына сюек атма, эки адамны арасында сёз чыгъарма.
- Къыз тиширыу кеси юйюнде да къонакъды.
- Окъдан джара эртде-кеч болса да бителир, сёз джара, ёмюрге къалыр.
- Булут кёкге джарашыу, уят бетге джарашыу.
- Тёрде – темир таякълы, къаяда – чыпчыкъ аякълы.
- Къартны бурнун сюрт да, оноугъа тут.
- Байма, деб да, къууанма, джарлыма, деб да, джылама.
- Къарыусузгъа кюлме, онгсузгъа тийме.
- Аш берме да, къаш бер.
- Арба аугъандан сора, джол кёргюзтюучю кёб болур.
- Зар адамны насыбы болмаз.
- Уллу айтханны этмеген – уллаймаз.
- Ачыу алгъа келсе, акъыл артха къалады.
- Аман адам элни бир-бирине джау этер.
- Сангырау къулакъ эл бузар.
- Ауругъанны сау билмез, ач къарынны токъ билмез.
- Эм уллу байлыкъ – джан саулукъ.
- Урунуу – насыбны анасы.
- Суу кетер, таш къалыр.
- Дууулдаса – бал чибин, къонса – къара чибин.
- Ашхылыкъ джерде джатмайды, аманлыкъ суугъа батмайды.
- Тин – байлыгъынг, терен саулугъунг.
- Ауурну тюбю бла, дженгилни башы бла джюрюген.
- Айырылмаз джууугъунга, унутмаз сёзню айтма.
- Биреу къой излей, биреу той излей.
- Урама да – ёледи, сатама да – келеди.
- Бир онгсуз адам адет чыгъарды, деб эштирик тюлсе.
- Ачылгъан эт джабылыр, кёрген кёз унутмаз.
- Юйюнг бла джау болгъандан эсе, элинг бла джау бол.
- Борчунг бар эсе, хурджунунга ойлаб узал.
- Акъыллы эркиши атын махтар, акъылсыз эркиши къатынын махтар.
- Агъач – джерни чырайы, кийим – эрни чырайы.
- Ана къойну – балагъа джандет.
- Бичгенде ашыкъма, тикгенде ашыкъ.
- Уллу атлама – абынырса, уллу къабма – къарылырса.
- Чабакъ башындан чирийди.
- Эки ойлашыб, бир сёлешген.
- Кёл – къызбай, къол – батыр.
Профиль
|
|
|
|||