Эльбрусоид :: Форум :: Архив форумов

Аш хазыр болса, иш харам болур.
Эл ауузу – элия.
Сёз садакъдан кючлюдю.
Ишленмеклик адамлыкъды.
Къошда джокъгъа – юлюш джокъ.
Ёлген аслан – сау чычхан.
Намыс сатылыб алынмайды.
Кирсизни – саны таза, халалны – къаны таза.
Иши джокъну, сыйы джокъ.
Джолда аягъынга сакъ бол, ушакъда тилинге сакъ бол.
Къыз тиширыу кеси юйюнде да къонакъды.
Тилсиз миллет джокъ болур.
Чарсда алчыны эл кёреди.
Джаным-тиним – окъуу, билим.
Къанны къан бла джуума, аманны аман бла къуума.
Тёрдеги кюлсе, эшикдеги ышарыр.
Иги – алгъыш этер, аман – къаргъыш этер.
Къобан да къуру да къобханлай турмайды, адам да къуру да патчахлай турмайды.
Тенгни тенглиги джашай барсанг билинир.
Бал чибинни ургъаны – ачы, балы – татлы.
Аман адам элни бир-бирине джау этер.
Ушамагъан – джукъмаз.
Булут кёкге джарашыу, уят бетге джарашыу.
Чакъырылмай келген къонакъ сыйланмай кетер.
Ач – эснер, ат – кишнер.
Намыс болмагъан джерде, насыб болмаз.
Къатын байлыкъны сюер, эр саулукъну сюер.
Аш кетер да бет къалыр.
Ауурну тюбю бла, дженгилни башы бла джюрюген.
Ойнаб айтсанг да, эслеб айт.
Къатын къылыкъсыз, эр тынчлыкъсыз.
Сютню башын джалагъан къутулур, тюбюн ичген тутулур.
Байдан умут эте, джарлыдан ёгюз багъасы къорады.
Хар ишни да аллы къыйынды.
Джуртун къоругъан озар.
Рысхы – сют юсюнде кёмюк кибикди.
Джаралыны джастыгъында сау ёлюр.
Сакъламагъан затынга джолукъсанг, не бек къууанаса, не бек ачыйса.
Экеу тутушса, биреу джыгъылыр.
Телиге акъыл салгъандан эсе, ёлгеннге джан салырса.
Термилгенинги табмазса, кюлгенинге тюберсе.
Джюрекге ариу – кёзге да ариу.
Таукел къуру къалмаз.
Чабакъсыз кёлге къармакъ салгъанлыкъгъа, чабакъ тутмазса.
Айыбны суу бла джууалмазса.
Элни кючю – эмеген.
Накъырданы арты керти болур.
Билген билмегенни юретген адетди.
Экеулен сёлеше тура эселе, орталарына барыб кирме.
Ышармагъан – кюлмез, кюлмеген – къууанчны билмез.

Логин:
Пароль:
	Запомнить меня на этом компьютере

Забыли свой пароль?
Регистрация