- Мадар болса, къадар болур.
- Байлыкъ келсе, акъыл кетер.
- Чомарт джарлы болмаз.
- Иги адамны бир сёзю эки болмаз.
- Ишленмеклик адамлыкъды.
- Тойгъандан сора, ашны сёкме.
- Кенгеш болса, уруш болмаз.
- Тамырсыз терекге таянма – джыгъылырса.
- Билмезни кёзю кёрмез, этмезни къулагъы эшитмез.
- Бал ашаргъа сюе эсенг, чибин ургъаннга тёз.
- Ач келгенни – тойдур, кеч келгенни – къондур.
- Адеб базарда сатылмаз.
- Гугурук къычырмаса да, тангны атары къалмаз.
- Уллу сёлешме да, уллу къаб.
- Аш берме да, къаш бер.
- Къан бла кирген, джан бла чыгъар.
- Джюрекден джюрекге джол барды.
- Бермеген къол, алмайды.
- Къыйынлы джети элге оноу этер.
- Ханы къызы буюгъа-буюгъа киштик болду.
- Ауузу бла къуш тута айланады.
- Сакъ юйюне сау барыр.
- Душманны тышы – акъ, ичи – къара.
- Тил – кесген бычакъ, сёз – атылгъан окъ.
- Ишлерге уял да, ашаргъа табма.
- Эл ауузу – элия.
- Азыгъы аз, алгъа къабар, аты аман, алгъа чабар.
- Юйлю уругъа ит чабмаз.
- Ата – баланы уясы.
- Чакъырылмагъан джерге барма, чакъырылгъан джерден къалма.
- Намыс болмагъан джерде, насыб болмаз.
- Къолу уллу – асыу, аягъы уллу – джарсыу.
- Эски джаугъа ышанма.
- Эли джокъну – кёлю джокъ.
- Аш кетер да бет къалыр.
- Халкъны юйю – туугъан джери.
- Терслик кетер, тюзлюк джетер.
- Адамны адамлыгъы къыйынлыкъда айгъакъланады.
- Окъ къызбайны джокълайды.
- Мухардан ач ычхынмаз.
- Минг тенг да азды, бир джау да кёбдю.
- Тёзген – тёш ашар!
- Къатын къылыкъсыз, эр тынчлыкъсыз.
- Татлы тилде – сёз ариу, чемер къолда – иш ариу.
- Тёгюлген тюгел джыйылмайды.
- Къанны къан бла джуума, аманны аман бла къуума.
- Нёгер болсанг, тенг бол, тенг болмасанг, кенг бол.
- Тойчу джашха къарама, къойчу джашха къара.
- Иги джашны ышаны – аз сёлешиб, кёб тынгылар.
- Иги сёз – джаннга азыкъ, аман сёз башха – къазыкъ.
Профиль
|
|
|
|||