- Итли къонакъ джарашмаз.
- Аз айтсам, кёб ангылагъыз.
- Джыгъылгъанны сырты джерден тоймаз.
- Кийимни бир кюнню аясанг, минг кюннге джарар.
- Аманнга да, игиге да оноусуз къатышма.
- Иги адамны бир сёзю эки болмаз.
- Кёкдеги болмаса, джердегин кёрмейди.
- Ашхы тенг джолгъа салыр, аман тенг джолдан тайдырыр.
- Байлыкъ келсе, акъыл кетер.
- Ачылгъан эт джабылыр, кёрген кёз унутмаз.
- Гугурук къычырмаса да, тангны атары къалмаз.
- Хар ишни да аллы къыйынды.
- Ойнай билмеген, оюн бузар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Этим кетсе да, сюегим къалыр.
- От этилмеген джерден тютюн чыкъмайды.
- Дууулдаса – бал чибин, къонса – къара чибин.
- Къарны аманнга къазан такъдырма, къолу аманнга от джакъдырма.
- Хантына кёре тузу, юйюне кёре къызы.
- Окъугъан озар, окъумагъан тозар.
- Алим болгъандан эсе, адам болгъан къыйынды.
- Байма, деб да, къууанма, джарлыма, деб да, джылама.
- Джол бла сёзню къыйыры джокъ.
- Таукелге нюр джауар.
- Соргъан айыб тюлдю, билмеген айыбды.
- Чёбню кёлтюрсенг, тюбюнден сёз чыгъар.
- Къолунгдан къуймакъ ашатсанг да, атаны борчундан къутулмазса.
- Ишлерге уял да, ашаргъа табма.
- Аууз сакълагъан – джан сакълар.
- Бети къызарыучу адамны, джюреги харам болмаз.
- Ханнга да келеди хариблик.
- Чомарт бергенин айтмаз.
- Ата Джуртун танымагъан, атасын да танымаз.
- Башланнган иш битер, къымылдагъан тиш тюшер.
- Кёзю сокъурдан – къоркъма, кёлю сокъурдан – къоркъ.
- Джыланны къуйругъундан басарынг келсе, аны башы болгъанын унутма.
- Билмейме деген – бир сёз
- Суу ичген шауданынга тюкюрме.
- Таукел адам тау тешер.
- Тил – кесген бычакъ, сёз – атылгъан окъ.
- Эшекни не къадар тюйсенг да, ат болмаз.
- Билимли ёлмез, билимсиз кёрмез.
- Окъугъан – асыу, окъумагъан – джарсыу.
- Гырджын – тепсини тамадасы.
- Уллу къашыкъ эрин джыртар.
- Адам сёзге тынгыла, акъыл сёзню ангыла.
- Асхат ашлыкъ сата, юйдегиси ачдан къата.
- Зар адам ашынгы ашар, кесинги сатар.
- Адамны сыфатына къарама, сёзюне къара.
- Кесинге джетмегенни, кёб сёлешме.
Профиль
|
|
|||