- Тёзген – тёш ашар!
- Айырылгъанланы айю ашар, бёлюннгенлени бёрю ашар.
- Айтылгъан сёз ызына къайтмаз.
- Джарлы джети элни сёзюн этер.
- Ашаса, ашамаса да, бёрюню ауузу – къан.
- Ана къолу ачытмаз.
- Къонакъ аман болса, къонакъбай джунчур
- Алтыда кюлмеген, алтмышда кюлмез.
- Ашатыргъа иш – ашхы, ишлетирге аш – ашхы.
- Эски джаугъа ышанма.
- Хантына кёре тузу, юйюне кёре къызы.
- Окъугъан озар, окъумагъан тозар.
- Ашына кёре табагъы, балына кёре къалагъы.
- Элиб деген, элге болушур.
- Тин – байлыгъынг, терен саулугъунг.
- Джангызны оту джарыкъ джанмаз!
- Аллахха ийнаннган кишини, Аллах онгдурур ишин.
- Ётюрюкню къуйругъу – бир тутум.
- Тас болгъан бычакъны сабы – алтын.
- Ана кёлю – балада, бала кёлю – талада.
- Биреу къой излей, биреу той излей.
- Ашда – бёрю, ишде – ёлю.
- Ёлген аслан – сау чычхан.
- Джол бла сёзню къыйыры джокъ.
- Бет бетге къараса, бет да джерге къарар.
- Тенгинг джокъ эсе – изле, бар эсе – сакъла!
- Тюзлюк тас болмайды.
- Билмейме деген – бир сёз
- Чакъырылмагъан джерге барма, чакъырылгъан джерден къалма.
- Агъач халкъгъа алтынды, иссиликге салкъынды.
- Бойнуму джети джерден кессенг да, мен ол ишни этеллик тюлме.
- Айтхан – тынч, этген – къыйын.
- Къолунгдан къуймакъ ашатсанг да, атаны борчундан къутулмазса.
- Тенги кёбню джау алмаз, акъылы кёбню дау алмаз.
- Джаханимни кёрмей, джандетге кёл салмазса.
- Тенгни тенглиги джашай барсанг билинир.
- Эл ауузу – элия.
- Кийимни бир кюнню аясанг, минг кюннге джарар.
- Эшекни не къадар тюйсенг да, ат болмаз.
- Миллетни бойну – базыкъ, аны бла кюрешген – джазыкъ.
- Уллу къазанда бишген эт, чий къалмаз.
- Къралынгы – душмандан, башынгы от бла суудан сакъла.
- Тели турса – той бузар.
- Къар – келтирди, суу – элтди.
- Байлыкъ болгъан джерде, тынчлыкъ джокъду.
- Ачыу алгъа келсе, акъыл артха къалады.
- Адебни адебсизден юрен.
- Элге къуллукъ этмеген, элге ие болмаз.
- Къартха ушагъан джаш – акъыллы, джашха ушагъан къарт – тели.
- Къозулугъунда тоймагъан, къойлугъунда тоймаз.
Профиль
|
|
|
|||