- Эркишиге тары кебек танг кёрюнюр.
- Дууулдаса – бал чибин, къонса – къара чибин.
- Башынга джетмегенни сорма.
- Тиширыусуз юй – отсуз от джагъа.
- Билгенни къолу къарны джандырыр.
- Ариу – кёзге, акъыл – джюрекге.
- Джыгъылгъанны сырты джерден тоймаз.
- Биреуню къыйынлыгъы бла кесинге джол ишлеме.
- Борчунг бар эсе, хурджунунга ойлаб узал.
- Экеулен сёлеше тура эселе, орталарына барыб кирме.
- Атынг аманнга чыкъгъандан эсе, джанынг тамагъынгдан чыкъсын.
- Сескекли кесин билдирир.
- Къыйынлы джети элге оноу этер.
- Тойгъандан сора, ашны сёкме.
- Джумушакъ сёз къаты таякъны сындырыр.
- Кёлсюзден сёзсюз тууар.
- Намыс сатылыб алынмайды.
- Чыкълы кюнде чыкъмагъан, чыкъса къуру кирмеген.
- Бети бедерден, намыс сакълама.
- От этилмеген джерден тютюн чыкъмайды.
- Мухарны эси – ашарыкъда.
- Тойну къарнашы – харс, джырны къарнашы – эжиу.
- Бюгюн дуния кибик, тамбла ахыратды.
- Къазанны башы ачыкъ болса, итге уят керекди.
- Къарнынг тойгъунчу аша да, белинг талгъынчы ишле.
- Ата Джуртун танымагъан, атасын да танымаз.
- Ашда уялгъан – мухар, ишде уялгъан – хомух.
- Джан саулукъ бермей, сан саулукъ бермезсе.
- Сёз – кюмюш, джыр – алтын.
- Байны къызы баймакъ болса да, юйде къалмаз!
- Кёб джашагъан – кёб билир.
- Ариу сёзде ауруу джокъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къонакъ аман болса, къонакъбай джунчур
- Ётюрюкден тюбю джокъ, кёлтюрюрге джиби джокъ.
- Тил – миллетни джаны.
- Къарны аманнга къазан такъдырма, къолу аманнга от джакъдырма.
- Алгъанда – джууукъ, бергенде – джау.
- Ашлыкъны арба юйге келтирир, чана базаргъа элтир.
- Джашынгы кесинг юретмесенг, джашау юретир.
- Аман къатын сабий табса, бий болур…
- Биреуню тёрюнден, кесинги эшик артынг игиди.
- Сёз садакъдан кючлюдю.
- Зар адамны насыбы болмаз.
- Юйюнгден чыкъдынг – кюнюнгден чыкъдынг.
- Джылыгъа джылан илешир.
- Берекет берсин деген джерде, берекет болур.
- Итли къонакъ джарашмаз.
- Чакъырылмагъан джерге барма, чакъырылгъан джерден къалма.
- Ёксюзню тилеги къабыл болур.
Профиль
|
|
|||