Эльбрусоид :: Форум

Кечеси – аяз, кюню – къыш, джарлы къаргъагъа бир аш тюш!
Сабийни джумушха джибер да, ызындан бар.
Джаралыны джастыгъында сау ёлюр.
Биреу къой излей, биреу той излей.
Къарнынг тойгъунчу аша да, белинг талгъынчы ишле.
Огъурлуну сёзю – суу, огъурсузну сёзю – уу.
Адебни адебсизден юрен.
Джахил болса анасы, не билликди баласы?
Ауузу бла къуш тута айланады.
Мухар, кеси тойса да, кёзю тоймаз.
Къыз чыгъаргъан – къызыл къымжа.
Къайтырыкъ эшигинги, къаты уруб чыкъма.
Аджашхан тёгерек айланыр.
Билген билмегенни юретген адетди.
Таукелге нюр джауар.
Ёксюзню тилеги къабыл болур.
Адеби болмагъан къыз – тузсуз хант.
Къонакъны къачан кетерин сорма, къачан келлигин сор.
Ата – баланы уясы.
Кеси юйюмде мен да ханма.
Бозанг болмагъан джерге, къалагъынгы сукъма.
Эр сокъур болсун, къатын тилсиз болсун.
Джылкъыдан – ат чыгъар, тукъумдан – джаш чыгъар.
Арба аугъандан сора, джол кёргюзтюучю кёб болур.
Туз, гырджын аша, тюзлюк бла джаша.
Ёлюк кебинсиз къалмаз.
Урунуу – насыбны анасы.
Этим кетсе да, сюегим къалыр.
Кёб къычыргъандан – къоркъма, тынч олтургъандан – къоркъ.
Ариу сёзде ауруу джокъ.
Бойнуму джети джерден кессенг да, мен ол ишни этеллик тюлме.
Чакъырылгъанны аты, чакъырылмагъанны багъасы болур.
Айныгъанлы алты кюн, тогъайгъанлы тогъуз кюн.
Эки элинги тыйсанг, джети элде махталырса.
Къан бла кирген, джан бла чыгъар.
Уллу сёлешме да, уллу къаб.
Кийим тукъум сордурур.
Агъач – джерни чырайы, кийим – эрни чырайы.
Джарлы тюеге минсе да, ит къабар.
Илму – джашауну джолу.
Аджашханны ызындагъы кёреди, джангылгъанны джанындагъы биледи.
Ашлыкъ – бюртюкден, джюн – тюкден.
Хар ишни да аллы къыйынды.
Эрине къаргъыш этген къатын, эрнин къабар.
Къонакъ болсанг, ийнакъ бол.
Рысхысына кёре, джаш ёсер, къышлыгъына кёре, мал ёсер.
Мал кёб болса, джууукъ кёб болур.
Келинин тута билмеген, къул этер, къызын тута билмеген, тул этер.
Намыс сатылыб алынмайды.
Адам бла мюлк юлешмеген эсенг, ол адамны билиб бошагъанма, деб кесинги алдама.

Логин:
Пароль:
	Запомнить меня на этом компьютере

Забыли свой пароль?
Регистрация