- Аууздан келген, къолдан келсе, ким да патчах болур эди.
- Тиширыусуз юй – отсуз от джагъа.
- Аман адам элни бир-бирине джау этер.
- Атлыны ашхысы, ат тизгининден билинир
- Таякъ этден ётер, тил сюекден ётер.
- Ачлыкъ отха секиртир.
- Телини эшигин, махтау джабар.
- Элиб деген, элге болушур.
- Ашда – бёрю, ишде – ёлю.
- Эр сокъур болсун, къатын тилсиз болсун.
- Тай асырагъан, атха минер.
- Билимден уллу байлыкъ джокъду.
- Тойгъан джерге джети къайт.
- Гугук кесини атын айтыб къычыргъанча, мен, мен деб нек тураса?
- Тас болгъан бычакъны сабы – алтын.
- Джаш болсун, къыз болсун, акъылы, саны тюз болсун.
- Агъач халкъгъа алтынды, иссиликге салкъынды.
- Ётген ёмюр – акъгъан суу.
- Ашатыргъа иш – ашхы, ишлетирге аш – ашхы.
- Бозаны арты дауур болур.
- Аз сёлешген, къайгъысыз турур.
- Эли джокъну – кёлю джокъ.
- Юйюнг бла джау болгъандан эсе, элинг бла джау бол.
- Ана къойну – балагъа джандет.
- Тура эдим джата, къайдан чыкъды хата?
- Байлыкъ келсе, акъыл кетер.
- Билмегенинги, билгеннге сор.
- Къарнынг ауруса, ауузунгу тый
- Аман киши кеси юйюнде – къонакъ.
- Билмезни кёзю кёрмез, этмезни къулагъы эшитмез.
- Джарлы тюеге минсе да, ит къабар.
- Джогъун бар этген, барын бал этген.
- Халкъны джырын джырласанг, халкъ санга эжиу этер.
- Билим насыб берир, билим джолну керир.
- Кийимни бир кюнню аясанг, минг кюннге джарар.
- Эл ауузу – элек, анга ийнаннган – халек.
- Мухарны эси – ашарыкъда.
- Намысы джокъну – дуниясы джокъ.
- Ашхы адам – халкъ байлыгъы, ашхы джер – джашау байлыгъы.
- Мухар, кеси тойса да, кёзю тоймаз.
- Орну джокъну – сыйы джокъ.
- Сангырау къулакъ эл бузар.
- Таш бла ургъанны, аш бла ур.
- Джаш къарыу бла кючлю, къарт акъыл бла кючлю.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джюрекге ариу – кёзге да ариу.
- Баш болса, бёрк табылыр.
- Аджашханны ызындагъы кёреди, джангылгъанны джанындагъы биледи.
- Джумушакъ сёз къаты таякъны сындырыр.
Профиль
|
|
|||