- Тели турса – той бузар.
- Чомартха Тейри да борчлуду.
- Къызгъанчдан ычхыныр, мухардан ычхынмаз.
- Мен да «сен», дейме, сен да «кесим», дейсе.
- Келлик заман – къартлыкъ келтирир, кетген заман – джашлыкъ ёлтюрюр.
- Болджал ишни бёрю ашар.
- Бал чибинни ургъаны – ачы, балы – татлы.
- Тёрдеги кюлсе, эшикдеги ышарыр.
- Джарлы тюеге минсе да, ит къабар.
- Ач да бол, токъ да бол – намысынга бек бол.
- Сабийни джумушха джибер да, ызындан бар.
- Харам къарнашдан, халал тенг ашхы.
- Ётюрюкден тюбю джокъ, кёлтюрюрге джиби джокъ.
- Нёгер болсанг, тенг бол, тенг болмасанг, кенг бол.
- Дженгил джетерикме деб, узун джолну къоюб, къысхасын барма.
- Ашарыкъда сайлагъаннга – чий гырджын.
- Окъугъан озар, окъумагъан тозар.
- Акъдан къара болмаз.
- Къонакъ кёб келюучю юйню, къазаны отдан тюшмез.
- Термилгенинги табмазса, кюлгенинге тюберсе.
- Сютню башын джалагъан къутулур, тюбюн ичген тутулур.
- Кёбге таш атма.
- Бойнуму джети джерден кессенг да, мен ол ишни этеллик тюлме.
- Тамбла алтындан бюгюн багъыр ашхы.
- Мухардан ач ычхынмаз.
- Аман адамны тепсинге олтуртсанг, къызынгы тилер.
- Ишни аллы бла къууанма да, арты бла къууан.
- Ариу сёз джыланны орнундан чыгъарыр.
- Тёзгеннге, джабылгъан эшик ачылыр.
- Адеб этмеген, адеб кёрмез.
- Таш бла ургъанны, аш бла ур.
- Мал кёб болса, джууукъ кёб болур.
- Эринчекге кюн узун.
- Эрни эр этерик да, къара джер этерик да, тиширыуду.
- Дууулдаса – бал чибин, къонса – къара чибин.
- Ёлмесенг да, къарт дамы болмазса?
- Экеулен сёлеше тура эселе, орталарына барыб кирме.
- Бозаны арты дауур болур.
- Джарашыу сюйген – джалынчакъ.
- Къонакъ аз олтурур, кёб сынар.
- Джангыз торгъай джырламаз.
- Тойгъан джерге джети къайт.
- Адамны аты башхача, акъылы да башхады.
- Ётюрюк хапар аякъ тюбю бла джюрюйдю.
- Тюзлюк тас болмайды.
- Таукел адам тау тешер.
- Элге къуллукъ этмеген, элге ие болмаз.
- Сёз – кюмюш, джыр – алтын.
- Бет бетге къараса, бет да джерге къарар.
- Окъугъан – асыу, окъумагъан – джарсыу.
Профиль
|
|
|||